W7s news গুৱাহাটী: গুৱাহাটীৰ উজান বজাৰস্থিত কুমাৰ ভাস্কৰ নাট্য মন্দিৰত প্ৰথমবাৰৰ বাবে কল্পনা দাস সোঁৱৰণী একাংকিকা নাট প্ৰতিযোগিতাৰ আয়োজন কৰা হৈছে। এই প্ৰতিযোগিতা ২০ ছেপ্টেম্বৰত বিয়লি ৪ বজাৰ পৰা আৰম্ভ হ'ব। কাৰ্যসূচী অনুসৰি বিয়লি ৪ বজাত নৱগ্ৰহ শিশু নাট্য দল গুৱাহাটীৰ উদ্যোগত অমৰ কুমাৰ শৰ্মাৰ ৰচনা আৰু গৌৰাংগ ডেকাৰ পৰিচালনাৰেনাটক 'লুকাভাকু' মঞ্চস্থ কৰা হ'ব। সেইদৰে সন্ধিয়া ৫ বজাত ৱেলনেছ চেন্টাৰৰ তথা অমৃত পাঠকৰ ৰচনা পৰিচালনাৰে মঞ্চস্থ কৰা হ'ব নাটক 'হাত', সন্ধিয়া ৬ বজাত কটন বিশ্ববিদ্যালয় নাট্যগোষ্ঠীৰ উদ্যোগত দীপক কুমাৰ গগৈৰ ৰচনা আৰু পৰিচালনাৰে মঞ্চস্থ কৰা হ'ব নাট পেণ্ডুলাম, সন্ধিয়া ৭ বজাত সাউকুছি,লখৰা, গুৱাহাটীৰ নাটক 'মইনা আহিব' মঞ্চস্থ কৰা হ'ব। নাটকখনৰ ৰচনা আৰু পৰিচালনা অঞ্জন শর্মা। নিশা ৮ বজাত মঞ্চস্থ কৰা হ'ব শংকৰ নাট্য সংঘ, খাৰঘুলি গুৱাহাটীৰ নাটক 'এনিশা'। নাটক খনৰ ৰচনা আৰু পৰিচালনা ভৱেশ কলিতাৰ। আনহাতে বিয়লি ৩ বজাত মঞ্চ উদ্বোধন কৰা হ'ব আৰু নিশা ৯.৩০ বজাত বঁটা বিতৰণী সভা অনুষ্ঠিত হ'ব উদ্যোক্তা সকলৰ হৈ উপাসনা দাসে জনাইছে।
No comments:
Post a Comment