W7s news গুৱাহাটী:: মহানগৰীৰ ধাৰাপুৰ চাৰিআলিস্থিত পশ্চিম গুৱাহাটী মহাবিদ্যালয়ৰ আছু গোটৰ বাৰ্ষিক অধিবেশনখন কালি অনুষ্ঠিত হোৱাৰ লগতে আছু গোটটো আনুষ্ঠানিক ভাৱে গঠন কৰা হয় । মহাবিদ্যালয় আছু গোটৰ সভাপতি সৌৰভ কাকতিৰ সভাপতিত্বত অনুষ্ঠিত সভাৰ আৰম্ভণিতে উপস্থিত সকলোকে আদৰণি জনাই উদ্দেশ্য ব্যাখ্যা কৰে ছাত্র একতা সভাৰ সাধাৰণ সম্পাদক অংকুৰ কলিতাই । কাৰ্যসূচীৰ সৈতে সংগতি ৰাখি পৰৱৰ্তী কাৰ্যকালৰ বাবে ঋত্বিকৰাজ কলিতাক সভাপতি , যুগল কলিতাক সাধাৰণ সম্পাদক আৰু উপকূল দাসক বিত্ত সম্পাদক হিচাপে লৈ ৬১ জনীয়া কাৰ্যকৰী সমিতিখন গঠন কৰা হয় । তদুপৰি সভাত বিগত বর্ষৰ পশ্চিম গুৱাহাটী মহাবিদ্যালয়ৰ শ্ৰেষ্ঠ কণ্ঠশিল্পী জিলমিল ৰূপালী জোনাক আৰু মৌচুমী দাস , শ্ৰেষ্ঠ সমাজ সেৱিকা লিম্পি ডেকা আৰু শ্ৰেষ্ঠ এন চি চি কেডাৰ সুমন দাসক আনুষ্ঠানিক ভাৱে সম্বৰ্ধনা জনোৱা হয় । সভাত সদৌ কামৰূপ মহানগৰ জিলা ছাত্র সন্থাৰ সভাপতি ৰজমিল আলী, সদৌ গুৱাহাটী ছাত্র সন্থাৰ সভাপতি আনোৱাৰ হুছেইন , উপ-সভাপতি হৃষীকেশ দত্ত, বিত্ত সম্পাদক নিতু ৰাজবংশী, কার্যনিৰ্বাহক সদস্য ৰঞ্জন কলিতা, পশ্চিম গুৱাহাটী ছাত্র সন্থাৰ সভাপতি জিন্টুমণি শৰ্মা, সাধাৰণ সম্পাদক ডিম্পল মেধি উপস্থিত থাকে ।
No comments:
Post a Comment