গুৱাহাটী শিশু নাট্য বিদ্যালয়ৰ গ্ৰীষ্মকালীন শিশু নাট কৰ্মশালা

 

W7s news ষ্টাফৰিপোৰ্টাৰ:গুৱাহাটী শিশু নাট্য বিদ্যালয়ৰ উদ্যোগত  আৰু বিষ্ণু নিৰ্মলা ন্যাসৰ সহযোগত আগন্তক ২ জুলাইৰ পৰা ২১ জুলাইলৈ উজান বজাৰস্থিত বিষ্ণু নিৰ্মলা ভৱনত অনুষ্ঠিত হ’ব এখনি  গ্ৰীষ্মকালীন শিশু নাট কৰ্মশালা৷ বৃহস্পতিবাৰে গুৱাহাটী প্ৰেছ ক্লাৱত গুৱাহাটী শিশু নাট্য বিদ্যালয়ৰ উদ্যোগত অনুষ্ঠিত এখন সংবাদমেলত এই কথা সদৰি কৰে গুৱাহাটী শিশু নাট্য বিদ্যালয়ৰ সভাপতি হৃষীকেশ গোস্বামীয়ে। তেওঁ লগতে কয়-শিশুক নাট্য চৰ্চাৰ প্ৰতি আগ্ৰহী কৰি তোলাৰ বাবে এই কৰ্মশালাৰ আয়োজন কৰা হৈছে। এই  ২০ দিনীয়া কৰ্মশালাৰ মূল বিষয় হ’ব “ দেশৰ লগতে  অসমৰ স্বাধীনতা সংগ্ৰামৰ শ্বহীদ সকলৰ ত্যাগ,ভূমিকা আৰু অৱদান"৷কৰ্মশালাখনৰ পৰিচালক হিচাপে থাকিব নাট্যকাৰ-পৰিচালক -অভিনেতা মাণিক ৰয় আৰু প্ৰশিক্ষণ দিব নিলোৎপল মহনৰ লগতে আন কেইবাজন প্ৰশিক্ষকে।'সংবাদ মেলত নাট্যকাৰ-পৰিচালক -অভিনেতা তথা মাণিক ৰয়ে কয়-কৰ্মশালাৰ পাঠদানৰ সময়সূচী পুৱা ১০ বজাৰ পৰা দুপৰীয়া ১বজালৈ৷ইচ্ছুক শিকাৰুসকলে প্ৰ-পত্ৰৰ বাবে ৯৮৬৪০  ৪৭৩৬৩/৭০০২৬ ০৫৭৯২ নম্বৰত ফোন কৰি অথবা বিষ্ণু নিৰ্মলা ভৱন (দ্বিতীয় মহলা)লতাশিল,উজানবজাৰ আৰু মাইম একাডেমী ,চতুৰ্থ মহলা,হেদায়েৎপুৰ(বাণী মন্দিৰৰ বিপৰীতে)ত যোগাযোগ কৰিব পাৰিব৷ এই কৰ্মশালাত  অংশ গ্ৰহণ কৰিবলৈ www.gsnv.org.in  যোগেও  প্ৰপত্ৰ সংগ্ৰহ কৰিব পাৰে৷এই কৰ্মশালাত অংশগ্ৰহণ কৰা  প্ৰশিক্ষাৰ্থী সকলক প্ৰমাণপত্ৰ দিয়াৰ লগতে  কৰ্মশালাৰ অন্তত শ্ৰীমন্ত শঙ্কৰদেৱ কলাক্ষেত্ৰৰ শ্ৰী শ্ৰী মাধৱদেৱ প্ৰেক্ষাগৃহত দুদিনীয়া কাৰ্যসূচীৰে " শিশু নাট্য মেলা আয়োজন কৰা হ’ব ।'সংবাদ মেলত গুৱাহাটী শিশুনাট্য বিদ্যালয়ৰ বৰ্তমানৰ সাধাৰণ সম্পাদক  উত্তম কুমাৰ ডেকা,উপ- সভাপতি শোভেশ্বৰ দাস, ,প্ৰচাৰ সম্পাদক মৃন্ময় ভূঞা, উপদেষ্টা বন্দিতা ফুকন উপস্থিত থাকি এই কৰ্মশালাৰ সফলতা কামনা কৰে।