‘এ লিটিল ছানচাইন’লৈ শ্ৰেষ্ঠ ভাৰতীয় চুটি ছবিৰ সন্মান
W7s News ষ্টাফৰিপোৰ্টাৰ: দ্বিতীয় উৰুভাট্টি আন্ত:ৰাষ্ট্ৰীয় চলচ্চিত্ৰ মহোৎসৱত গৌৰৱ কঢ়িয়াই আনিবলৈ সক্ষম হৈছে সুমন দুৱৰাই। আন্ত:ৰাষ্ট্ৰীয় প্ৰেক্ষাপটত জিলিকি উঠিল সুমন দুৱৰা পৰিচালিত অসমীয়া চুটি ছবি ”এ লিটিল ছানচাইন”। উল্লেখ্য, চেন্নাইত চলিত মাহৰ ৯ অক্টোবৰত অনুষ্ঠিত এই মহোৎসৱত ”এ লিটিল ছানচাইন” শীৰ্ষক চুটি ছবি খনে লাভ কৰিলে শ্ৰেষ্ঠ ভাৰতীয় ছুটি ছবিৰ সন্মান।এই ছবিখন চিকিৎসক তথা সংস্কৃতিৰ কর্মী ডা:হিতেশ বৰুৱাৰ প্ৰযোজনাত নিৰ্মাণ কৰা হৈছে। এ লিটিল ছানচাইনত অভিনয় কৰিছে অমৰজ্যোতি চৌধুৰী, অৰ্পনা দত্ত চৌধুৰী আৰু দেৱাশীষ বৰঠাকুৰে। অন্যহাতে ছবিখনত সংলাপ সঞ্জীৱ হাজৰিকাৰ, পৰিচালনা আৰু চিত্ৰনাট্য সুমন দুৱাৰৰ, সংগীতেৰে সজাইছে ডাঃ হিতেশ বৰুৱাই আৰু চাউণ্ড ডিজাইন আৰু মিক্সিং কৰিছে দেৱজিত গায়নে।
No comments:
Post a Comment