‘ৱালজি’ ব্ৰেণ্ডৰ অধীনত ১০,০০০ৰো অধিক ডিজাইন; দেশজুৰি ৭০০ বিতৰক আৰু ৩৫,০০০ৰো অধিক খুচুৰা বিক্ৰেতাৰ শক্তিশালী নেটৱৰ্ক
W7s news,গুৱাহাটী, ৩১ আগষ্ট: মুম্বাইস্থিত দৰ্শন ৱালজি গ্ৰুপে আগন্তুক শিক্ষাবৰ্ষক লক্ষ্য কৰি নিজৰ প্ৰতিষ্ঠিত ‘ৱালজি’ ব্ৰেণ্ডৰ অধীনত বিদ্যালয় আৰু কৰ্প’ৰেট প্ৰতিষ্ঠানৰ ইউনিফৰ্মৰ কাপোৰৰ এতিয়ালৈকে সৰ্ববৃহৎ আৰু বিস্তৃত সম্ভাৰ অসমসহ উত্তৰ-পূৰ্বাঞ্চলৰ বজাৰত নিজৰ বিপণন সহযোগী মেছাৰ্ছ কে-জোনৰ সহযোগত মুকলি কৰিছে। এই উপলক্ষে অনুষ্ঠিত প্ৰদৰ্শনীৰ শুভাৰম্ভণি অনুষ্ঠানত উদ্বোধন কৰে আদিত্য বিৰলা চেলুল’জিক ফাইবাৰ্ছৰ শ্ৰেণী বিভাগৰ সহকাৰী উপাধ্যক্ষ অংকুৰ থোৰাটে। এই অনুষ্ঠানত ৰঞ্জিত ফেবইণ্ডিয়া লিমিটেডৰ সঞ্চালক কিশোৰ কোঠাৰী, পৰিচালক তেজস কোঠাৰী, অমন কোঠাৰী, মেছাৰ্ছ কে-জোনৰ মুৰব্বী অমিত চৌধুৰী, ৰাজকুমাৰ চৌধুৰীসহ অন্যান্য গণ্যমান্য ব্যক্তি উপস্থিত থাকে।
অনুষ্ঠানত কিশোৰ কোঠাৰীয়ে কয় যে বিকেন্দ্ৰীকৃত খণ্ডত বিদ্যালয় আৰু কৰ্প’ৰেট ইউনিফৰ্মৰ কাপোৰৰ অন্যতম আগশাৰীৰ নিৰ্মাতা ৱালজি গ্ৰুপ উচ্চমান, স্থায়িত্ব আৰু দীৰ্ঘদিন ধৰি উন্নত প্ৰদৰ্শনৰ বাবে পৰিচিত। দেশজুৰি বিদ্যালয় আৰু কৰ্প’ৰেট প্ৰতিষ্ঠানৰ ইউনিফৰ্মৰ বাবে ৱালজিৰ কাপোৰ ব্যাপকভাৱে পছন্দ কৰা হয়। বৃহৎ বজাৰৰ লগতে মধ্যমীয়া পৰিসৰৰ খুচুৰা বিক্ৰেতাসকলৰ মাজতো এই কাপোৰসমূহে পছন্দৰ সামগ্ৰী হিচাপে স্থান লাভ কৰিছে।
ৱালজি গ্ৰুপৰ ১০,০০০ৰো অধিক ইউনিফৰ্মৰ ডিজাইন উপলব্ধ। শক্তিশালী বিতৰক নেটৱৰ্কৰ জৰিয়তে এই সামগ্ৰীসমূহ সমগ্ৰ দেশত বিপণন কৰা হয়। সামগ্ৰীসমূহৰ ভিতৰত ধাৰীযুক্ত, চেক, টুইল, প্ৰিণ্ট, অক্সফৰ্ড, মেট্টি, ট্ৰ’ভিন আৰু একৰঙী কাপোৰ উল্লেখযোগ্য। এই কাপোৰসমূহ পলিয়েষ্টাৰ-কটন (পিচি) আৰু পলিয়েষ্টাৰ-ভিস্ক’জ (পিভি) মিশ্ৰণত উপলব্ধ।
ৱালজিৰ কাপোৰৰ কোমল গঠন, ছালৰ বাবে আৰামদায়ক বৈশিষ্ট্য, দীৰ্ঘদিনলৈ ৰং অটুট ৰখাৰ প্ৰযুক্তি, সূৰ্যৰ পোহৰৰ পৰা সুৰক্ষা আৰু বিভিন্ন ৰঙৰ বিস্তৃত সম্ভাৰ আদি বিশেষত্ব আছে। এই বৈশিষ্ট্যসমূহৰ ফলত বিদ্যালয়লৈ যোৱা শিশুসকলে আৰামৰ লগতে আকৰ্ষণীয় আৰু পৰিপাটি ৰূপ লাভ কৰে। গ্ৰাহকসকলক সময়মতে সামগ্ৰী যোগান ধৰাৰ বাবে গ্ৰুপটোৱে পৰ্যাপ্ত পৰিমাণৰ সাজু সামগ্ৰীও মজুত কৰি ৰাখে।
ইয়াৰ উপৰি ৱালজি গ্ৰুপে কাৰখানাত কৰ্মৰত কৰ্মচাৰীসকলৰ বাবে সুলভ মূল্যত ইউনিফৰ্ম প্ৰস্তুত কৰাৰ উদ্দেশ্যে ঔদ্যোগিক পোছাকৰ কাপোৰো নিৰ্মাণ কৰে। ১৯৮১ চনত প্ৰতিষ্ঠিত ৱালজি গ্ৰুপে প্ৰতিষ্ঠাপক তথা অধ্যক্ষ বালচন্দ কোঠাৰীৰ নেতৃত্বত চাৰি দশকৰো অধিক সময়ৰ অভিজ্ঞতাৰে ভাৰতৰ উচ্চমানৰ ইউনিফৰ্ম কাপোৰৰ অন্যতম আগশাৰীৰ নিৰ্মাতা হিচাপে এক শক্তিশালী পৰিচয় গঢ়ি তুলিছে।
বিদ্যালয় আৰু কৰ্প’ৰেট প্ৰতিষ্ঠানৰ উপৰি ৱালজি গ্ৰুপে চিকিৎসালয়, হোটেল, নিৰাপত্তা সেৱা, আৰক্ষী, বিভিন্ন প্ৰতিষ্ঠান, ঔদ্যোগিক প্ৰতিষ্ঠান, বিমান পৰিবহণ আৰু কুৰিয়াৰ সেৱাকে ধৰি বিভিন্ন খণ্ডৰ প্ৰয়োজনীয়তা পূৰণ কৰি আহিছে। ৱালজি গ্ৰুপৰ বিকাশৰ যাত্ৰা উৎকৰ্ষতা, উদ্ভাৱন আৰু গ্ৰাহক সন্তুষ্টিৰ প্ৰতি অবিৰত প্ৰতিশ্ৰুতিৰ ওপৰত আধাৰিত। উন্নত মান-ব্যৱস্থাপনা প্ৰণালীৰ জৰিয়তে সামগ্ৰীৰ গুণগত মানত ধাৰাবাহিকতা নিশ্চিত কৰা হয়। আধুনিক যন্ত্ৰপাতি, নিৰন্তৰ উদ্ভাৱন আৰু কৰ্মচাৰীসকলৰ নিয়মীয়া প্ৰশিক্ষণৰ জৰিয়তে গ্ৰুপটোৱে বজাৰৰ পৰিৱৰ্তিত প্ৰয়োজনীয়তাৰ সৈতে সংগতি ৰাখি নিজৰ সামগ্ৰী আৰু সেৱাৰ মান নিৰন্তৰ উন্নত কৰি আহিছে।
সমগ্ৰ ভাৰততে ৱালজি গ্ৰুপৰ এক শক্তিশালী বিপণন উপস্থিতি আছে। গ্ৰুপটোৰ সৈতে ৭০০ বিতৰক আৰু অৰ্ধ-পাইকাৰী বিক্ৰেতা তথা ৩৫,০০০ৰো অধিক খুচুৰা বিক্ৰেতা জড়িত হৈ আছে। ইয়াৰ লগতে ৱালজি গ্ৰুপে নিজৰ ইউনিফৰ্মৰ কাপোৰ আন্তঃৰাষ্ট্ৰীয় বজাৰলৈও ৰপ্তানি কৰি আহিছে। বিশ্বাসযোগ্যতা, উচ্চমান আৰু পৰিৱৰ্তিত প্ৰয়োজনীয়তাৰ সৈতে সংগতি ৰাখি উন্নত ইউনিফৰ্মৰ সমাধান আগবঢ়োৱাৰ স্পষ্ট লক্ষ্যৰে ৱালজি গ্ৰুপে নিৰন্তৰভাৱে আগবাঢ়ি আহিছে। আজিৰ লগতে ভৱিষ্যতৰ ভাৰতৰ পৰিৱৰ্তিত প্ৰয়োজনীয়তাৰ সৈতে সংগতি ৰাখি বিশ্বমানৰ ইউনিফৰ্মৰ কাপোৰ যোগান ধৰাই গ্ৰুপটোৰ লক্ষ্য।
No comments:
Post a Comment