EKA Mobilityয়ে অসমজুৰি ইয়াৰ নতুন ডীলাৰশ্বিপসমূহ মুকলি কৰিছে

 

• উত্তৰ-পূব ভাৰতত ক্ৰমান্বয়ে বৃদ্ধি পোৱা লজিষ্টিক্স, ই-কমাৰ্চ, ঔদ্যোগিক আৰু নগৰীয়া পৰিবহন ব্যৱস্থাক কাৰ্বন-নিৰ্গমনমুক্ত বাণিজ্যিক বাহনেৰে সহায় কৰিবলৈ এই নতুন ডীলাৰশ্বিপ আৰু ছাৰ্ভিচ চেণ্টাৰসমূহ মুকলি কৰা হৈছে।

• EKAৰ 'Born Electric' শ্ৰেণীৰ ট্ৰাক, বাছ আৰু SCV (স্মল কমাৰ্চিয়েল ভেহিকল) এতিয়া অসমৰ লগতে সমগ্ৰ উত্তৰ-পূব অঞ্চলৰ ব্যৱসায়িক প্ৰতিষ্ঠানসমূহৰ বাবে উপলব্ধ হৈছে

W7s news,,গুৱাহাটী, জুলাই 8, 2026: ভাৰতৰ আটাইতকৈ দ্ৰুতগতিত বৃদ্ধি পোৱা বৈদ্যুতিক বাণিজ্যিক বাহন নিৰ্মাতা আৰু ভাৰত চৰকাৰৰ অটো PLI আঁচনিৰ অধীনৰ এক চেম্পিয়ন OEM, EKA Mobilityয়ে আজি গুৱাহাটী আৰু গোলাঘাটত ইয়াৰ কৰ্তৃত্বপ্ৰাপ্ত ডীলাৰশ্বিপসমূহ মুকলি কৰাৰ কথা ঘোষণা কৰিছে। ইয়াৰ জৰিয়তে উত্তৰ-পূব ভাৰতত ইয়াৰ উপস্থিতি অধিক শক্তিশালী হোৱাৰ লগতে দেশৰ অন্যতম দ্ৰুতগতিত বৃদ্ধি পোৱা লজিষ্টিক্স আৰু সংযোগ কৰিড’ৰত উন্নত বৈদ্যুতিক বাণিজ্যিক পৰিবহন সমাধানৰ এক্সেছ সম্প্ৰসাৰিত হৈছে।

ই নতুন অত্যাধুনিক ডীলাৰশ্বিপসমূহে উদ্যোগটোৰৰ শ্ৰেষ্ঠ সা-সুবিধাসমূহৰ সৈতে EKAৰ সম্পূৰ্ণ 'Born Electric' শ্ৰেণীৰ বাহনসমূহ উপলব্ধ কৰাব। ইয়াৰ ভিতৰত বৈদ্যুতিক থ্ৰী-হুইলাৰ (EKA 6S, 3S আৰু 3W Cargo) আৰু স্মল কমাৰ্চিয়েল ভেহিকল (EKA 1.5T–3.5T)ৰ পৰা আদি কৰি বৈদ্যুতিক বাছ (EKA 7M, 9M, 12M, Coach আৰু Low Floor) আৰু EKA 55T হেভী-ডিউটি বৈদ্যুতিক ট্ৰাক পৰ্যন্ত সকলো বাহন পোৱা যাব।

সম্পূৰ্ণ একীকৃত 3S (ছেলছ, ছাৰ্ভিচ আৰু স্পেয়াৰ্ছ) সুবিধা হিচাপে ডিজাইন কৰা এই ডীলাৰশ্বিপসমূহে প্ৰশিক্ষণপ্ৰাপ্ত টেকনিচিয়ান, সমৰ্পিত ৱৰ্কশ্বপ আৰু EKAৰ নিজস্ব AI-চালিত ফ্লীট মেনেজমেণ্ট প্লেটফৰ্ম 'EKA Connect'ৰ জৰিয়তে ব্যাপক বিক্ৰী, বিক্ৰীৰ পৰৱৰ্তী সহায় আৰু মেৰামতি সেৱা প্ৰদান কৰিব। ই অসমৰ লগতে সমগ্ৰ উত্তৰ-পূব অঞ্চলৰ ফ্লীট অপাৰেটৰসকলৰ বাবে বাহনসমূহৰ সৰ্বাধিক আপটাইম আৰু উৎকৃষ্ট গ্ৰাহক অভিজ্ঞতা নিশ্চিত কৰিব।

EKA Mobilityৰ বিজনেছ হেড আৰু চীফ গ্ৰোথ অফিচাৰ ৰোহিত শ্ৰীবাস্তৱে কয়, "ভাৰতত বহনক্ষম বাণিজ্যিক পৰিবহনৰ বাবে উত্তৰ-পূব অঞ্চলটো এটা গুৰুত্বপূৰ্ণ বিকাশৰ সুযোগ হিচাপে পৰিগণিত হৈছে। উন্নত যোগাযোগ ব্যৱস্থা, সম্প্ৰসাৰিত লজিষ্টিক্স নেটৱৰ্ক আৰু পৰিষ্কাৰ পৰিবহনৰ ওপৰত ক্ৰমান্বয়ে বৃদ্ধি পোৱা গুৰুত্বৰ সৈতে, এই অঞ্চলটোৱে EV গ্ৰহণ কৰাৰ প্ৰক্ৰিয়া ক্ষিপ্ৰ কৰি তুলিবলৈ এক সুন্দৰ স্থানত আছে। উত্তৰ-পূব ভাৰতত আমাৰ এই সম্প্ৰসাৰিত উপস্থিতিৰ জৰিয়তে, EKAৰ লক্ষ্য হৈছে ব্যৱসায়িক প্ৰতিষ্ঠান আৰু ফ্লিট অপাৰেটৰসকলক এনেধৰণৰ উন্নত কাৰ্বন-নিৰ্গমনমুক্ত বাণিজ্যিক বাহনেৰে সহায় কৰা, যিয়ে পৰৱৰ্তী প্ৰজন্মৰ ব্যৱসায়-বাণিজ্যৰ বাবে উৎকৃষ্ট কাৰ্যক্ষমতা, কম পৰিচালনা ব্যয় আৰু বহনক্ষম পৰিবহন সমাধান প্ৰদান কৰিব।"

গুৱাহাটী, গোলাঘাট, নলবাৰী আৰু ডিব্ৰুগড়জুৰি EKAৰ এই সম্প্ৰসাৰিত নেটৱৰ্ক এনে এক সময়ত আহিছে, যেতিয়া উত্তৰ-পূব ভাৰতত আন্তঃগাঁথনিৰ উন্নয়ন, ঔদ্যোগিক কাৰ্যকলাপ আৰু আঞ্চলিক সংযোগৰ ক্ষেত্ৰত ক্ষিপ্ৰ বিকাশ দেখিবলৈ পোৱা গৈছে। ফ্লিট অপাৰেটৰ, প্ৰতিষ্ঠানিক গ্ৰাহক, পৰিবহন অপাৰেটৰ আৰু লজিষ্টিক্স এগ্ৰিগেটৰসমূহৰ মাজত দক্ষ মালবাহী পৰিবহন, লাষ্ট-মাইল লজিষ্টিক্স আৰু বহনক্ষম ৰাজহুৱা পৰিবহনৰ ক্ৰমবৰ্ধমান চাহিদাই বৈদ্যুতিক বাণিজ্যিক বাহন গ্ৰহণ কৰাৰ এক উল্লেখনীয় সুযোগ আনি দিছে।

EKA হৈছে ভাৰতৰ এটা OEM, যিয়ে থ্ৰী-হুইলাৰৰ পৰা আৰম্ভ কৰি 55-টনৰ হেভী-ডিউটি ট্ৰাক পৰ্যন্ত বাণিজ্যিক বৈদ্যুতিক বাহনৰ এটা সম্পূৰ্ণ শৃংখলা উপলব্ধ কৰায়। চৰকাৰৰ 'আত্মনিৰ্ভৰ ভাৰত'ৰ দৃষ্টিভংগীক সমৰ্থন জনাই এই সকলোবোৰ বাহন ভাৰততে ডিজাইন, ইঞ্জিনিয়াৰিং আৰু নিৰ্মাণ কৰা হৈছে। 

প্ৰতিষ্ঠানখনে বৰ্তমান তিনিখন উৎপাদন কাৰখানা পৰিচালনা কৰি আছে, যাৰ ভিতৰত পুনেৰ কোৰেগাঁও ভীমাত থকা বাছ উৎপাদন কাৰখানা আৰু চাকানত থকা ট্ৰাক তথা স্মল কমাৰ্চিয়েল ভেহিকল (SCV) উৎপাদন কাৰখানা অন্তৰ্ভুক্ত হৈ আছে। EKAএ পিথামপুৰত এটা নতুন 47 একৰজুৰি বিস্তৃত উৎপাদন কাৰখানাও বিকশিত কৰি আছে, যিয়ে ইয়াৰ উৎপাদন ক্ষমতা অধিক শক্তিশালী কৰিব। সামগ্ৰিকভাৱে, এই কাৰখানাসমূহে বছৰি 15,000 বাছ, 24,000 SCV আৰু 4,000 ট্ৰাক উৎপাদন কৰাত সহায় কৰিব।

অসমৰ নতুন টাচপইণ্টসমূহৰ ঠিকনা: 

EKA শ্ব’ৰুম গুৱাহাটী: চিটীজেন ম’বিলিটী, IDBI বেংকৰ লখৰা শাখাৰ সমীপত, NH-37, বেতকুছি, গাঁও-লালুংগাঁও, ডাকঘৰ-চাওকুছি, থানা-গড়চুক, জিলা-কামৰূপ (মেট্ৰ’), গুৱাহাটী, অসম-781040

যোগাযোগ নম্বৰ- 98543 63544

EKA শ্ব’ৰুম গোলাঘাট: হৰজিৎ সিং, কালচি গ্ৰীণ পাৱাৰ, কৰম সিং কালচি বিল্ডিং, জি এফ ৰোড, বেঙেনীয়াখোৱা, গোলাঘাট, অসম-785621 যোগাযোগ নম্বৰ- 9435053843

EKA শ্ব’ৰুম ডিব্ৰুগড়: মানকটা ৰোড, থানা চাৰিআলি, ডাকঘৰ আৰু থানা – ডিব্ৰুগড়, জিলা – ডিব্ৰুগড়, অসম- 786001

যোগাযোগৰ নম্বৰ- 94350 31686