• সেনা জোৱান, প্ৰাক্তন সৈনিক আৰু তেওঁলোকৰ পৰিয়াললৈ শৈক্ষিক সহায় আৰু কল্যাণমূলক সুবিধা আগবঢ়াবলৈ ভাৰতীয় সেনাৰ সৈতে অংশীদাৰিত্ব স্থাপন কৰিছে আকাশ এডুকেচনেল ছাৰ্ভিচেছ লিমিটেডে।
• এই বুজাবুজিৰ চুক্তিত সমগ্ৰ দেশজুৰি জলপানি আৰু ভাৰতৰ বিভিন্ন কেন্দ্ৰত নামভৰ্তি কৰা সেনাৰ শিক্ষাৰ্থীসকলৰ বাবে বিশেষ ব্যৱস্থা অন্তৰ্ভুক্ত কৰা হৈছে।
W7s news,,,ডিমাপুৰ, ২৩ এপ্ৰিল, ২০২৬: পৰীক্ষা প্ৰস্তুতিমূলক সেৱাৰ ৰাষ্ট্ৰীয় অগ্ৰণী প্ৰতিষ্ঠান আকাশ এডুকেচনেল ছাৰ্ভিচেছ লিমিটেডে সেনা জোৱান আৰু তেওঁলোকৰ পৰিয়ালৰ কল্যাণৰ বাবে ভাৰতীয় সেনাৰ সৈতে এক বুজাবুজি চুক্তি স্বাক্ষৰ কৰিছে। ইয়াত সদস্য, অৱসৰপ্ৰাপ্ত বিষয়া, বীৰত্ব সন্মান বিজয়ী, বিশেষভাৱে সক্ষম জোৱান আৰু কৰ্তব্যৰত অৱস্থাত প্ৰাণ হেৰুওৱা সকলৰ পৰিয়াল অন্তৰ্ভুক্ত আছে।
এই বুজাবুজিৰ চুক্তিৰ অধীনত, আকাশ এডুকেচনেল ছাৰ্ভিচেছ লিমিটেডে তেওঁলোকৰ সমগ্ৰ দেশৰ কেন্দ্ৰ আৰু শাখাসমূহত পাঠ্যক্ৰমত নামভৰ্তি কৰিব বিচৰা ভাৰতীয় সেনাৰ শিক্ষাৰ্থীসকলক সুবিধা প্ৰদান কৰিব। এই চুক্তিখনত ভাৰতীয় সেনাৰ কৰ্ণেল (চেৰিমোনিয়েল এণ্ড ৱেলফেয়াৰ) আৰু আকাশ এডুকেচনেল ছাৰ্ভিচেছ লিমিটেডৰ দিল্লী-এনচিআৰৰ মুখ্য শিক্ষা আৰু ব্যৱসায়িক মুৰব্বী ড° যশ পালে স্বাক্ষৰ কৰে।
এই বুজাবুজি চুক্তিয়ে ভাৰতীয় সেনা কৰ্মী আৰু তেওঁলোকৰ পৰিয়ালৰ কল্যাণৰ ওপৰত গুৰুত্ব দিয়ে, যাৰ ভিতৰত সমগ্ৰ দেশৰ আকাশ এডুকেচনেল ছাৰ্ভিচেছ লিমিটেডৰ কেন্দ্ৰসমূহত পাঠ্যক্ৰমৰ বাবে জলপানী আগবঢ়োৱা হৈছে:
• কৰ্তব্যৰত অৱস্থাত মৃত্যু হোৱা জোৱানসকলৰ সন্তানৰ বাবে কেৱল পঞ্জীয়ন মাচুলৰ বাহিৰে আন সকলো মাচুলত ১০০% ৰেহাই দিয়া হ'ব।
• ২০% তকৈ অধিক অক্ষমতা থকা জোৱান আৰু বীৰত্ব সন্মান বিজয়ীসকলৰ সন্তানৰ বাবে টিউচন মাচুলত ১০০% ৰেহাই।
• সেৱাৰত আৰু অৱসৰপ্ৰাপ্ত কৰ্মীৰ সন্তানৰ বাবে টিউচন মাচুলত ২০% ৰেহাই, যিটো অন্য জলপানি কৰ্তন কৰাৰ পিছত প্ৰযোজ্য হ’ব।
এই জলপানিসমূহ নামভৰ্তি কৰিব বিচৰা সকলো শিক্ষাৰ্থীৰ বাবে উপলব্ধ আকাশ এডুকেচনেল ছাৰ্ভিচেছ লিমিটেডৰ জলপানী আঁচনিসমূহৰ অতিৰিক্ত হিচাপে প্ৰদান কৰা হ’ব।
আকাশ এডুকেচনেল ছাৰ্ভিচেছ লিমিটেডৰ পৰিচালন সঞ্চালক তথা মুখ্য কাৰ্যবাহী বিষয়া চন্দ্ৰ শেখৰ গৰিশা ৰেড্ডীয়ে কয়, " আকাশ এডুকেচনেল ছাৰ্ভিচেছ লিমিটেডত আমি বিশ্বাস কৰোঁ যে শিক্ষা হৈছে এক উজ্জ্বল ভৱিষ্যতৰ বাবে আটাইতকৈ শক্তিশালী ভেটি। ভাৰতীয় সেনাৰ সৈতে অংশীদাৰিত্বই আমাক আমাৰ সাহসী জোৱানসকলৰ ত্যাগক সন্মান জনোৱাৰ লগতে তেওঁলোকৰ পৰিয়ালক মানদণ্ডৰ শিক্ষা আৰু নিৰ্দেশনাৰে সৱল কৰাৰ সুযোগ দিছে। জলপানি, মেণ্টৰিং আৰু কাউন্সেলিংৰ জৰিয়তে আমাৰ লক্ষ্য হৈছে আমাৰ বীৰসকলৰ সন্তানসকলক তেওঁলোকৰ পূৰ্ণ সম্ভাৱনা অৰ্জন কৰিবলৈ আৰু নিজৰ অধিকাৰত নেতা হ'বলৈ সক্ষম কৰি তোলা।"
বুজাবুজিৰ চুক্তিত আকাশ এডুকেচনেল ছাৰ্ভিচেছ লিমিটেডে ভাৰতীয় সেনা কৰ্মীৰ সন্তানসকলক শৈক্ষিক আৰু কেৰিয়াৰ সম্পৰ্কীয় প্ৰশ্নৰ বাবে ভাৰ্চুয়েল আৰু শাৰীৰিক উভয় মাধ্যমৰ জৰিয়তে ব্যাপক মেণ্টৰিং আৰু কাউন্সেলিং সেৱা আগবঢ়াব।
শেহতীয়াকৈ আকাশ এডুকেচনেল ছাৰ্ভিচেছ লিমিটেডে সমগ্ৰ ভাৰতৰ চি আৰ পি এফ জোৱানসকলৰ সন্তান আৰু পৰিয়ালক ব্যাপক শৈক্ষিক সহায়, জলপানী আৰু কেৰিয়াৰ নিৰ্দেশনা প্ৰদান কৰিবলৈ কেন্দ্ৰীয় সংৰক্ষিত আৰক্ষী বাহিনী পৰিয়াল কল্যাণ সংস্থা (CWA)ৰ সৈতেও এক বুজাবুজিৰ চুক্তি স্বাক্ষৰ কৰিছে।
আকাশ এডুকেচনেল ছাৰ্ভিচেজ লিমিটেড(এ ই এছ এল)ৰ বিষয়ে
আকাশ এডুকেচনেল ছাৰ্ভিচেজ লিমিটেড (এ ই এছ এল) হৈছে ভাৰতৰ আগশাৰীৰ পৰীক্ষা প্ৰস্তুতি প্ৰতিষ্ঠান, যিয়ে মেডিকেল (এন ই ই টি) আৰু অভিযান্ত্ৰিক প্ৰৱেশ পৰীক্ষা (জে ই ই), আৰু এন টি এছ ই আৰু অলিম্পিয়াডৰ দৰে প্ৰতিযোগিতামূলক পৰীক্ষাৰ বাবে প্ৰস্তুতি চলোৱা ছাত্ৰ-ছাত্ৰীসকলৰ বাবে বিস্তৃত আৰু ফলপ্ৰসূ প্ৰস্তুতি সেৱা প্ৰদান কৰাত বিশেষজ্ঞ ।
দেশজুৰি ৪১৫ টাতকৈও অধিক কেন্দ্ৰৰ নেটৱৰ্ক আছে এ ই এছ এলৰ, য’ত বৰ্তমান নামভৰ্তি কৰা ছাত্ৰ-ছাত্ৰীৰ সংখ্যা ৪ লাখতকৈ অধিক আৰু যোৱা ৩৭ বছৰত ই এক অপ্ৰতিৰোধ্য বজাৰ স্থান আৰু ব্ৰেণ্ড মূল্য প্ৰতিষ্ঠা কৰিছে । ছাত্ৰ-ছাত্ৰীৰ প্ৰকৃত সম্ভাৱনা মুকলি কৰিবলৈ আৰু তেওঁলোকৰ শৈক্ষিক প্ৰচেষ্টাত সফলতা লাভ কৰিবলৈ উচ্চমানৰ পৰীক্ষা প্ৰস্তুতি সেৱা প্ৰদান কৰিবলৈ ই প্ৰতিশ্ৰুতিবদ্ধ ।
প্ৰতিগৰাকী শিক্ষাৰ্থী যে অনন্য আৰু তেওঁলোকৰ প্ৰত্যেকৰে যে ব্যক্তিগত প্ৰয়োজনীয়তা আছে সেই কথা স্বীকাৰ কৰি এ ই এছ এলে পৰীক্ষাৰ প্ৰস্তুতিৰ ক্ষেত্ৰত শিক্ষাৰ্থীকেন্দ্ৰিক পদ্ধতি গ্ৰহণ কৰে । ইয়াত উচ্চ যোগ্যতাসম্পন্ন আৰু অভিজ্ঞ প্ৰশিক্ষকৰ এটা দল আছে যিয়ে ছাত্ৰ-ছাত্ৰীসকলক তেওঁলোকৰ সপোন পূৰণ কৰাত সহায় কৰিবলৈ আগ্ৰহী । প্ৰতিষ্ঠানটোৰ কাৰ্যসূচীসমূহ নমনীয়ভাৱে ডিজাইন কৰা হৈছে আৰু ছাত্ৰ-ছাত্ৰীসকলে যাতে তেওঁলোকৰ পৰীক্ষাৰ বাবে ভালদৰে প্ৰস্তুতি চলাব পাৰে, তাৰ বাবে পাঠদান পদ্ধতিসমূহ শেহতীয়া প্ৰযুক্তিৰ দ্বাৰা সমৰ্থিত ।
www.aakash.ac.in ত যোগদান কৰক
No comments:
Post a Comment