গুৱাহাটীস্থিত KAWACH কাৰ্যসূচীৰ অধীনত শিশু সুৰক্ষাৰ বাবে অংশীদাৰসকলৰ ঐক্যবদ্ধ প্ৰচেষ্টা*

 *

W7s news,,গুৱাহাটী, ২০ ফেব্ৰুৱাৰী ২০২৬:* শিশু সুৰক্ষা অধিক শক্তিশালী কৰাৰ উদ্দেশ্যে এখন গুৰুত্বপূৰ্ণ পৰামৰ্শমূলক সভা, গুৱাহাটীৰ, অমিন গাঁওস্থিত National Law University and Judicial Academy, Assamত অনুষ্ঠিত হয়।

ভাৰত চৰকাৰৰ Mission Vatsalya-ৰ সৈতে সংগতি ৰাখি আয়োজন কৰা এই অনুষ্ঠানত ১৬টাতকৈ অধিক নাগৰিক সমাজ সংগঠন (CSO)-এ অংশগ্ৰহণ কৰি শিশু সুৰক্ষা আৰু নিৰাপত্তাক শীৰ্ষ অগ্ৰাধিকাৰ প্ৰদান কৰে।

বিশ্ববিদ্যালয়খনৰ উপাচাৰ্য কে. ভি. এছ. শৰ্মাই চৰকাৰ, শিক্ষাজগত আৰু নাগৰিক সমাজ সংগঠনসমূহৰ মাজত সমন্বিত আৰু সমষ্টিগত পদক্ষেপৰ ওপৰত গুৰুত্ব আৰোপ কৰি শিশুৰ সামগ্ৰিক কল্যাণ সুনিশ্চিত কৰাৰ প্ৰয়োজনীয়তাৰ বিষয়ে উল্লেখ কৰে। এই সভাই বিভিন্ন ভৌগোলিক পৰিসৰৰ মাজতো শিশু সুৰক্ষাৰ ক্ষেত্ৰত এক যৌথ প্ৰতিশ্ৰুতি গঢ়ি তোলাত গুৰুত্ব আৰোপ কৰে।

British Asian India Foundation আৰু Northeast Centre for Equity Action on Integrated Development-ৰ উদ্যোগত KAWACH কাৰ্যসূচীৰ অংশ হিচাপে আয়োজিত এই অনুষ্ঠানখন শিশুসকলৰ বাবে অধিক সুৰক্ষিত পৰিবেশ সৃষ্টিৰ দিশত সমন্বিত ব্যৱস্থা গ্ৰহণৰ এক উল্লেখযোগ্য পদক্ষেপ হিচাপে চিহ্নিত হয়। সংশ্লিষ্ট পক্ষসমূহে নিজৰ দক্ষতা আৰু অভিজ্ঞতা একত্ৰিত কৰি অধিক সুৰক্ষিত ভৱিষ্যৎ গঢ়াৰ লক্ষ্য লৈ আগবাঢ়িবলৈ সংকল্প গ্ৰহণ কৰে।