গুৱাহাটীত শিশু সুৰক্ষা বিষয়ক কৰ্মশালা

 

W7s news গুৱাহাটী: গুৱাহাটীত শিশু সুৰক্ষা সমন্বয় বিষয়ক এখন এদিনীয়া  কৰ্মশালা অনুষ্ঠিত হয়। তদুপৰি শিশু সুৰক্ষা ব্যৱস্থা শক্তিশালী কৰাৰ বাবে গুৰুত্বপূর্ণ পদক্ষেপৰ অংশস্বৰূপে ৰাজ্যিক 

কৱচ কাৰ্যসূচী মুকলি কৰা হয়। নৰ্থ ইষ্ট চেণ্টাৰ ফৰ ইকুইটি এস্ক্সন অন

 ইণ্টিগ্ৰেটেড ডেভেলপমেণ্টে

( এন ই এ আই ডি) ব্ৰিটিছ এছিয়ান ট্ৰাষ্টৰ  সহযোগিতাত   এই কৰ্মশালাৰ আয়োজন কৰে। 'কৱচ' হৈছে শিশু সুৰক্ষা ব্যৱস্থা শক্তিশালী কৰাৰ লক্ষ্যৰে আৰম্ভ কৰা এক উদ্যোগ, যি ভাৰত চৰকাৰৰ মহিলা আৰু শিশু উন্নয়ন মন্ত্ৰালয়ৰ কেন্দ্ৰীয়ভাৱে পৃষ্ঠপোষকতা কৰা Mission Vatsalya-ৰ সৈতে সামঞ্জস্যপূর্ণ।

 অসমৰ শিশু সুৰক্ষা ব্যৱস্থাত অধিক সমন্বয় আৰু সহযোগিতা বৃদ্ধি কৰাৰ উদ্দেশ্যে জ্যেষ্ঠ চৰকাৰী বিষয়া, জিলা পৰ্যায়ৰ কৰ্মচাৰী, উন্নয়ন অংশীদাৰ আৰু শৈক্ষিক প্ৰতিষ্ঠানসমূহৰ অংশগ্ৰহণ কৰা অনুষ্ঠানত অসম ৰাজ্যিক শিশু অধিকাৰ সুৰক্ষা আয়োগৰ অধ্যক্ষ

  (ডাঃ) শ্যামল প্ৰসাদ শইকীয়া, ইউনিচেফৰ

শিশু সুৰক্ষা বিশেষজ্ঞ

  লক্ষ্মীনারায়ণ নন্দাৰ লগতে

সাতখন জিলাৰ বিষয়াসকল এই অনুষ্ঠানত অংশগ্ৰহণ কৰে। সাতখন জিলাৰ বিষয়াসকল এই অনুষ্ঠানত অংশগ্ৰহণ কৰে, যাৰ ভিতৰত আছিল ডি চি পি ইউ, চি পি অ' আৰু ব্লক আৰু গাঁও পৰ্যায়ৰ শিশু কল্যাণ আৰু সুৰক্ষা সমিতিৰ সদস্যসকল।

এই উপলক্ষে ব্ৰিটিছ এছিয়া ন ট্ৰাষ্টৰ  প্ৰতিনিধিয়ে কয় যে কৱছ-ৰ অধীনত অসমত জিলা, ব্লক আৰু ৱাৰ্ড পৰ্যায়ত স্থানীয় শিশু সুৰক্ষা ব্যৱস্থা শক্তিশালী কৰা; আগশাৰীৰ কৰ্মীসকলৰ দক্ষতা বৃদ্ধি কৰা; স্থানীয় উন্নয়ন পৰিকল্পনাত শিশু সুৰক্ষাৰ অগ্ৰাধিকাৰ অন্তৰ্ভুক্ত কৰা; আৰু সংবেদনশীল পৰিয়ালসমূহক কল্যাণমূলক আঁচনি আৰু জীৱিকা সুযোগৰ সৈতে সংযুক্ত কৰি ঝুঁকিৰ মূল কাৰণসমূহ সমাধান কৰা হ’ব। কৱচ হৈছে এক দীঘলীয়া সময়ৰ উদ্যোগ, যাৰ লক্ষ্য হৈছে সংবেদনশীল শিশুসকলৰ চাৰিওফালে এক সুৰক্ষাৰ “ঢাল” সৃষ্টি কৰা — সমাজভিত্তিক সতর্কতা বৃদ্ধি কৰা, শিক্ষা আৰু সামাজিক সুৰক্ষাৰ সুবিধা উন্নত কৰা আৰু চৰকাৰী ব্যৱস্থাৰ মাজত অধিক সমন্বয় নিশ্চিত কৰা।

এন ই এ আই এ ডি

ৰ নেতৃত্বত আৰম্ভ কৰা এই উদ্যোগে অসমৰ বাবে এক সমন্বিত, সঁহাৰি দিয়া আৰু স্থায়ী শিশু সুৰক্ষা পৰিবেশ গঢ়ি তোলাৰ দিশত গুৰুত্বপূর্ণ পদক্ষেপ হিচাপে পৰিগণিত হৈছে, যি ৰাষ্ট্ৰীয় অগ্ৰাধিকাৰ আৰু ৰাজ্যিক ৰূপায়ণ কাঠামোৰ সৈতে সামঞ্জস্যপূর্ণ। কৰ্মশালাত এন ই এ আই ডিৰ কাৰ্যবাহী সঞ্চালক মেৰাজ আহমেদে উপস্থিত সকলোকে ধন্যবাদ জ্ঞাপন কৰে।