W7s news,,গুৱাহাটী, ১৯ জানুৱাৰী: ইটালীৰ অট’ম’বাইল প্ৰতিষ্ঠান পিয়াজিঅ’ গ্ৰুপৰ ১০০ শতাংশ অংশীদাৰী প্ৰতিষ্ঠান পিয়াজিঅ’ ভেহিকলছ প্ৰাইভেট লিমিটেডে সোমবাৰে গুৱাহাটীত দ্বিতীয়টো ডীলাৰ আনুষ্ঠানিকভাৱে মুকলি কৰে৷ ভেছপা আৰু এপ্ৰিলিয়া বাহন দুখনেৰে গ্ৰাহকৰ পৰা আশাপ্ৰদ সঁহাৰি লাভ কৰা প্ৰতিষ্ঠানটোৱে এই নতুন ডীলাৰৰ জৰিয়তে পৰিসৰ বৃদ্ধি কৰাৰ পৰিকল্পনা কৰিছে৷ নতুনকৈ মুকলি কৰা ভাগৱতী অট’ম’বাইল ডীলাৰটোত পিয়াজিঅ’ৰ বাহনসমূহ ক্ৰয় কৰিব পাৰিব গ্ৰাহকসকলে৷ এই নতুন ডীলাৰটো মুকলি কৰে পিয়াজিঅ’ ইণ্ডিয়াৰ দুচকীয়া ঘৰুৱা ব্যৱসায়ী শাখাৰ ই ভি পি অজয় ৰঘুবংশী আৰু ভাগৱতী অট’ম’বাইলৰ পৰিচালন সঞ্চালক ৰাতুল এ ভাগৱতীয়ে৷ গুৱাহাটীৰ নাৰেংগী পথত প্ৰায় ৰ,৬০০ বৰ্গফুট এলেকাত এই ডীলাৰটো মুকলি কৰা হৈছে৷ প্ৰিমিয়াম গ্ৰাহকসকলক পিয়াজিঅ’ৰ বাহনসমূহ যোগান ধৰাৰ বাবে অত্যাধুনিক সুবিধাৰে এই ডীলাৰটো মুকলি কৰা হয়৷ এই সন্দৰ্ভত অজয় ৰঘুবংশীয়ে কয় যে তেওঁলোকৰ বাবে অসম হৈছে এখন গুৰুত্বপূৰ্ণ বজাৰ৷ নতুন ডীলাৰটো মুকলিয়ে উত্তৰ-পূৰ্বাঞ্চলত তেওঁলোকৰ পৰিসৰ বৃদ্ধি কৰিব বুলি আশাবাদী বিষয়াগৰাকী৷ পিয়াজিঅ’ গ্ৰুপৰ দৰে এটা ব্ৰেণ্ডৰ সৈতে সহযোগিতা স্থাপন কৰি গ্ৰাহকসকলক উন্নত মানৰ দুচকীয়া বাহন যোগান ধৰিবলৈ বদ্ধপৰিকৰ বুলি মন্তব্য কৰে ৰাতুল ভাগৱতীয়ে
No comments:
Post a Comment