W7s news,,গুৱাহাটী, ১৯ ডিচেম্বৰ ঃ অসমবাসীৰ বাবে এটা ভাল খবৰ৷
অসমকন্যা অৰ্শিতা আগৰৱালাই আজুৰি আনিলে এক ৰাষ্ট্ৰীয় সন্মান৷ অসমীয়া
ছবিজগতত খলকনিৰ সৃষ্টি কৰা ব্লক ব্লাষ্টাৰ ছবি ‘ৰুদ্ৰ’ত ৰবি শৰ্মাৰ
বিপৰীতে থকা অৰ্শিতা আগৰৱালাই তেওঁৰ যুগান্তকাৰী প্ৰদৰ্শনৰ বাবে উদীয়মান
মহিলা শাখাত আজুৰি আনিলে ফিল্মফেয়াৰ অ’টিটি-২০২৫ বঁটা৷ ডেছপাছ চিনেমাখনত
কৰা অভিনয়ৰ বাবে অৰ্শিতা আগৰৱালাক প্ৰদান কৰা হৈছে ২০২৫ ৰ উদীয়মান মহিলা
শাখাৰ ফিল্মফেয়াৰ অ’টি টি এৱাৰ্ড৷ মুম্বাইত অনুষ্ঠিত এক গাম্ভীৰ্যপূৰ্ণ
অনুষ্ঠানত প্ৰখ্যাত অভিনেতা চিবাচাদ্দাৰ হাতৰ পৰা গ্ৰহণ কৰে এই বঁটা৷
ফিল্ম ফেয়াৰ অ’ টি টি বঁটা লাভ কৰা অৰ্শিতা আগৰৱালা অসম তথা উত্তৰ-পূবৰ
ভিতৰত প্ৰথম গৰাকী অভিনেত্ৰী৷ উক্ত অনুষ্ঠানত উপস্থিত আছিল শিল্প
ক্ষেত্ৰখনৰ অগ্ৰণী বিক্ৰম মটৱানে, নিখিল আদানি, আলিয়া ভাট, ছ’নী
মালহোট্ৰা, ফাতেমা চানাচে, বিকি কুশল, ৰিচ্ছা চাদ্দাৰ লগতে বহু প্ৰখ্যাত
অভিনেতা-অভিনেত্ৰী৷ অসমৰ পৰা ৰূপালী পৰ্দালৈ যাত্ৰা কৰা অসম কন্যা
অৰ্শিতা আগৰৱালাৰ এই সফলতাক লৈ সকলো গৌৰৱান্বিত হৈছে৷ কাষ্টিং ডিজাইনত
নিয়োজিত হৈ থকা আগৰৱালাই কম সময়ৰ ভিতৰতে অভিনয়ৰ ক্ষেত্ৰখনতো এক বিশেষ
পাৰদৰ্শিতা দেখুৱাবলৈ সক্ষম হৈছে৷ ইতিমধ্যে চুটি ছবিৰ যোগেদি আত্মপ্ৰকাশ
কৰা অৰ্শিতাই ৩০ খনতকৈ অধিক ডিজিটেল বিজ্ঞাপন আৰু জনপ্ৰিয় ছিৰিজ সত্যমেব
জয়তেত অভিনয় কৰি এক সুকীয়া স্থান দখল কৰিবলৈ সক্ষম হৈছিল৷ ইয়াৰ পিছতেই
অৰ্শিতা আগৰৱালাই অসমীয়া চলচ্ছিত্ৰ ‘ৰুদ্ৰ, হিন্দী থ্ৰিলাৰ ডেছপাছ’ত
অভিনয় কৰি সকলোৰে মন জয় কৰিবলৈ সক্ষম হয়৷ এই বঁটা লাভ কৰাৰ পিছতে
অৰ্শিতাই কয় যে এনে অসাধাৰণ প্ৰতিভাৰ মাজত স্বীকৃতি লাভ কৰি মই সঁচাকৈয়ে
আনন্দিত হৈ পৰিছো৷ এই বঁটাই মোক আৰু আগুৱাই যোৱাত সহায় কৰিব৷ এই বঁটাৰ
বাবে সকলোৱে অপেক্ষা কৰি থাকে৷ অসম তথা উত্তৰ-পূবৰ বাবে এটা ভাল খবৰ৷ আজি
অসমলৈ আহিছে এই সন্মান৷ এই সন্মানৰ পিছতে অসম তথা উত্তৰ-পূৰ্বাঞ্চলৰ বহু
অঞ্চলৰ কাহিনী ৰূপালী পৰ্দাত প্ৰদৰ্শন হোৱাৰ পথ প্ৰশস্ত হ’ব বুলি আশা
প্ৰকাশ কৰে৷
No comments:
Post a Comment