মোহময়ী অভিনেত্ৰী কৃতি ছেননক মহিলা শাখাৰ ব্ৰেণ্ড ফেচ হিচাপে ঘোষণা কেম্পাছ এক্টিভৱেৰৰ

 

W7s news,,গুৱাহাটী, ৩০ আগষ্ট, ২০২৫: ভাৰতৰ অগ্ৰণী ক্ৰীড়া আৰু এথলেইজাৰ ফুটৱেৰ ব্ৰেণ্ড কেম্পাছ এক্টিভৱেৰে ৰাষ্ট্ৰীয় বঁটা বিজয়ী অভিনেত্ৰী কৃতি ছেননক তেওঁলোকৰ মহিলা বিভাগৰ নতুন মুখ হিচাপে ঘোষণা কৰিছে। উল্লেখ্য যে, এয়া কেৱল ব্ৰেণ্ড আৰু চেলিব্ৰিটিৰ মাজৰ সহযোগিতা নহয়। এই পদক্ষেপে কেম্পাছৰ সেই মহৎ দৃষ্টিভংগীক প্ৰতিফলিত কৰে, যিয়ে ভাৰতীয় মহিলাৰ ফুটৱেৰৰ ভৱিষ্যতক নতুনকৈ সংজ্ঞায়িত কৰাৰ প্ৰতিশ্ৰুতি বহন কৰে। এই উদ্যোগৰ জৰিয়তে বিগত এবছৰত এই বিভাগত হোৱা উল্লেখযোগ্য বৃদ্ধিৰ গতিক আৰু শক্তিশালী কৰা হৈছে।

প্ৰণিধানযোগ্য যে, কৃতি ছেনন তেওঁৰ সাহসী কেৰিয়াৰৰ পছন্দ আৰু একাধিক ভূমিকাৰ মাজত সফলতাৰে সমন্বয় ৰক্ষা কৰাৰ স্বাভাৱিক ক্ষমতাৰ বাবে প্ৰশংসিত হৈ আহিছে। তেওঁ আজিৰ যুগৰ মহিলাৰ প্ৰতিচ্ছবি- স্পন্দনশীল, উচ্চাকাংক্ষী আৰু নিজৰ ব্যক্তিত্বত অটল। আভিযান্ত্ৰিকৰ স্নাতকৰ পৰা ভাৰতৰ শীৰ্ষ অভিনেত্ৰী আৰু ব্যৱসায়ীলৈ তেওঁৰ যাত্ৰাত কৃতি হৈ উঠিছে দৃঢ়তা, স্বকীয়তা আৰু ষ্টাইলৰ প্ৰতীক। এই গুণবোৰে মহিলাসকলক জীৱন আৰু ফেশ্বনত নিজৰ সিদ্ধান্ত স্বাধীনভাৱে ল’বলৈ প্ৰেৰণা যোগায়।

কেম্পাছ এক্টিভৱেৰে বছৰ বছৰ ধৰি ভাৰতৰ লাখ লাখ মানুহৰ বাবে স্নিকাৰক সুলভ, আধুনিক আৰু আৰামদায়ক কৰি আহিছে। এই প্ৰতিশ্ৰুতিৰ ফলত বিগত এবছৰত মহিলাৰ পৰ্টফলিঅ’ত অভূতপূৰ্ব বৃদ্ধি হৈছে, যিটো ব্ৰেণ্ডটোৰ ভৱিষ্যত বৃদ্ধিৰ অন্যতম প্ৰধান চালিকা শক্তি হিচাপে পৰিগণিত হৈছে। কৃতি ছেননৰ সংযোজনে এই যাত্ৰাৰ পৰৱৰ্তী পদক্ষেপৰ সূচনা কৰে। তেওঁৰ সাহসী আৰু বহুমুখী ব্যক্তিত্ব কেম্পাছৰ দৃষ্টিভংগীৰ সৈতে নিখুঁতভাৱে সংগতিপূৰ্ণ- শৈলী আৰু আৰামৰ মাজত আপোচ নকৰাকৈ মহিলাৰ প্ৰতিটো ভূমিকাৰ সৈতে খাপ খোৱা ফুটৱেৰ নিৰ্মাণ কৰা।

এই সহযোগিতাৰ প্ৰসংগত মন্তব্য কৰি কেম্পাছ এক্টিভৱেৰ লিমিটেডৰ মুখ্য কাৰ্যবাহী বিষয়া তথা পূৰ্ণকালীন সঞ্চালক নিখিল আগৰৱালে কয়, “কৃতি ছেনন আমাৰ মহিলা বিভাগৰ মুখপাত্ৰ হিচাপে যোগদান কৰাটো আমাৰ বাবে অত্যন্ত আনন্দৰ বিষয়। তেওঁৰ উচ্চাকাংক্ষা, বহুমুখীতা আৰু ব্যক্তিত্ব আজিৰ ভাৰতীয় মহিলাৰ প্ৰকৃত প্ৰতিফলন, যিটো আমাৰ দৃষ্টিভংগীৰ সৈতে সম্পূৰ্ণৰূপে সংগতিপূৰ্ণ। মহিলাৰ ক্ৰীড়া আৰু এথলেইজাৰ বিভাগ এতিয়া আমাৰ অন্যতম প্ৰধান শক্তি। কৃতিৰ বহুমুখী আবেদনে আমাৰ গতিবেগক আৰু ত্বৰান্বিত কৰিব, আমাৰ ডিজাইন ভাষাক নতুন উচ্চতালৈ লৈ যাব, বিশেষকৈ মহিলাসকলৰ বাবে নিৰ্মিত উদ্ভাৱনীমূলক ফুটৱেৰ প্ৰদান কৰিব আৰু এই দ্ৰুতগতিত বৃদ্ধি পোৱা খণ্ডত কেম্পাছৰ নেতৃত্বক আৰু অধিক সুদৃঢ় কৰিব।”

ইফালে, নিজৰ অনুভৱ প্ৰকাশ কৰি কৃতি ছেননে কয়, “মই সদায় বিশ্বাস কৰি আহিছো যে ষ্টাইলে আপোনাৰ প্ৰকৃত স্বৰূপক প্ৰকাশ কৰে, বাহ্যিক নিয়মৰ সৈতে নহয়। মোৰ বাবে কেম্পাছ, এটা আইকনিক ভাৰতীয় স্নিকাৰ ব্ৰেণ্ড, এই বিশ্বাসৰ প্ৰতিফলন। তেওঁলোকে মহিলাৰ বৈচিত্ৰময় ভূমিকাক সামৰি লোৱা ফুটৱেৰ ডিজাইন কৰে, য’ত আৰাম আৰু ষ্টাইল সমানে গুৰুত্বপূৰ্ণ। মই কেম্পাছ পৰিয়ালৰ অংশ হোৱাৰ বাবে গৌৰৱান্বিত অনুভৱ কৰিছো। মোৰ নিজৰ বিশ্বাসৰ সৈতে মিল থকা এই দৃষ্টিভংগীৰ সৈতে জড়িত হৈ মই আনন্দিত- য’ত ব্যক্তিত্বক উদযাপন কৰা হয় আৰু মহিলাসকলক কোনো সংকোচ নকৰাকৈ নিজৰ সিদ্ধান্ত ল’বলৈ অনুপ্ৰাণিত কৰা হয়।”

আত্মপ্ৰকাশ আৰু ব্যক্তিত্বক মূল্য দিয়া মহিলাসকলৰ বাবে কেম্পাছ এক্টিভৱেৰে এনে ফুটৱেৰ আগবঢ়ায়, যিবোৰ তেওঁলোকৰ উচ্চাকাংক্ষাৰ দৰেই সাহসী আৰু তেওঁলোকৰ দৰেই স্পন্দনশীল।