W7s news,,গুৱাহাটী, ১৫ মে’, ২০২৫: মুম্বাইৰ প্ৰখ্যাত চিকিৎসা সেৱা প্ৰতিষ্ঠান নানাৱতী মেক্স ছুপাৰ স্পেচিয়েলিটি হাস্পতালে আজি গুৱাহাটীৰ একাধিক কেন্দ্ৰত অংক’লজী, হেপাট’লজী আৰু গেষ্ট্ৰ’এণ্টেৰ’লজী বিভাগত আৰম্ভ কৰে বহিঃৰোগী (অ’পিডি) সেৱা।
এই অ'পিডি সেৱাৰ উদ্বোধনী অনুষ্ঠানত উপস্থিত থাকে হেপাটোবিলিয়াৰী পেনক্ৰিয়াটিক এণ্ড গেষ্ট্ৰ’ইণ্টেষ্টাইনেল অংকোচাৰ্জাৰীৰ সঞ্চালক ডাঃ গণেশ নাগাৰাজন আৰু মুম্বাইৰ নানাৱতী মেক্স ছুপাৰ স্পেচিয়েলিটি হাস্পতালৰ এইচ পি বি চাৰ্জাৰী, লিভাৰ এণ্ড মাল্টি অৰ্গান ট্ৰান্সপ্লাণ্টৰ সঞ্চালক ডাঃ গৌৰৱ চৌবাল।
উল্লেখ্য যে, ডাঃ গণেশ নাগাৰাজনে প্ৰতি মাহৰ তৃতীয় শুকুৰবাৰে বিয়লি ৩:০০ বজাৰ পৰা ৪:০০ বজালৈ ভিআইপি ৰোডৰ ছয় মাইলস্থিত ত্ৰিনিটাছ মেধাৰবৰ ছুপাৰ স্পেচিয়েলিটি হেল্থকেয়াৰ এণ্ড ডায়েগনষ্টিকছত চিকিৎসা পৰামৰ্শ আগবঢ়াব। একে সময়তে একেদিনাই গণেশগুৰিৰ আৰিয়ান গেষ্ট্ৰ’ইণ্টেষ্টাইনেল ক্লিনিকত ডাঃ গৌৰৱ চৌবালে আগবঢ়াব প্ৰাথমিক পৰামৰ্শ।
অ’পিডি সেৱাৰ উদ্দেশ্য সন্দৰ্ভত মত ব্যক্ত কৰি মুম্বাইৰ নানাৱতী মেক্স ছুপাৰ স্পেচিয়েলিটি হাস্পতালৰ হেপাটোবিলিয়াৰী পেনক্ৰিয়াটিক এণ্ড গেষ্ট্ৰ’ইণ্টেষ্টাইনেল অংকোচাৰ্জাৰীৰ সঞ্চালক ডাঃ গণেশ নাগাৰাজনে কয়, “চিকিৎসাগত পৰ্যবেক্ষণত দেখা গৈছে যে গুৱাহাটীত কিছুমান বিশেষ ধৰণৰ কৰ্কট ৰোগৰ প্ৰাদুৰ্ভাৱ বৃদ্ধি পাইছে। ইয়াৰ মূল কাৰণ হ’ল ধঁপাতজাতীয় সামগ্ৰীৰ ব্যৱহাৰ, বিশেষ খাদ্যাভ্যাস আৰু পৰিৱেশৰ প্ৰভাৱ। সজাগতাৰ অভাৱ আৰু চিকিৎসা বিশেষজ্ঞৰ অভাৱৰ বাবে লক্ষণসমূহ প্ৰায়ে আওকাণ কৰা হয়, যাৰ ফলত ৰোগ নিৰ্ণয়ত পলম হয় আৰু ৰোগৰ জটিলতা দেখা দিয়ে। আমাৰ লক্ষ্য হৈছে প্ৰাৰম্ভিক পৰ্যায়ত কৰ্কট ৰোগ ধৰা পেলোৱা আৰু উন্নত চিকিৎসাৰ বিকল্প প্ৰদান কৰা, যাতে গুৱাহাটী আৰু ইয়াৰ আশে-পাশে থকা চহৰৰ ৰোগীসকলে উন্নত মানদণ্ডৰ জীৱন যাপন কৰিব পাৰে।"
প্ৰাৰম্ভিক চিকিৎসাৰ গুৰুত্ব উল্লেখ কৰি মুম্বাইৰ নানাৱতী মেক্স ছুপাৰ স্পেচিয়েলিটি হাস্পতালৰ এইচ পি বি চাৰ্জাৰী, লিভাৰ এণ্ড মাল্টি অৰ্গান ট্ৰান্সপ্লান্টৰ সঞ্চালক ডাঃ গৌৰৱ চৌবালে কয়, “যকৃতৰ ৰোগে স্বাস্থ্যৰ বাবে ভয়াৱহ বিপদৰ সৃষ্টি কৰে, যাৰ চিকিৎসা নকৰিলে যকৃতৰ বিকলতাৰ দৰে জটিলতা আহিব পাৰে। বংশগত কাৰণ, অলস জীৱনশৈলী আৰু পৰিৱেশগত কাৰকৰ বাবে তীব্ৰ আৰু দীঘলীয়া যকৃতৰ ৰোগৰ হাৰ ক্ৰমাগতভাৱে বৃদ্ধি পাইছে। গুৱাহাটীত এই বিশেষ অ'পিডি সেৱা আৰম্ভ কৰাৰ পিছত আমি অধিক সঙ্গীন প্ৰাপ্তবয়স্ক আৰু শিশুক পৰীক্ষা কৰিম, সময়মতে চিকিৎসা প্ৰদান কৰিম, আৰু অঞ্চলটোৰ যকৃত আৰু গেষ্ট্ৰ'এণ্টেৰ'লজী স্বাস্থ্যসেৱাৰ মান যথেষ্ট উন্নত কৰিম।"
বিশেষজ্ঞ দুগৰাকীয়ে লগতে কয় যে এইচ পি বি, গেষ্ট্ৰাইটিছ কেন্সাৰ, যকৃতৰ বিকলতাৰ কিছুমান গুৰুত্বপূৰ্ণ লক্ষণক একেবাৰেই আওকাণ কৰা উচিত নহয়। পুনৰাবৃত্তিমূলক জ্বৰ, জণ্ডিচ, গাঢ় ৰঙৰ প্ৰস্ৰাৱ, শেঁতা ৰঙৰ মল, পেট ফুলা, আৰু অস্পষ্টভাৱে ওজন কমি যোৱা- এই সকলোবোৰ লক্ষণেই অতি চিন্তাৰ বিষয়। ইয়াৰ উপৰিও যদি অত্যধিক দুৰ্বলতা, সঘনাই বমি হোৱা, সহজে ঘাঁ হোৱা আদি লক্ষণ দেখা পোৱাৰ লগে লগে তাৎক্ষণিকভাৱে চিকিৎসকৰ কাষ চপা উচিত। কাৰণ এই সকলোবোৰ লক্ষণেই গুৰুতৰ জটিলতাৰ ইংগিত দিব পাৰে।
কৰ্কট ৰোগ আৰু যকৃতৰ চিকিৎসা অধিক সুলভ কৰি তুলিবলৈ নানাৱতী মেক্স ছুপাৰ স্পেচিয়েলিটি হাস্পতালে এক গুৰুত্বপূৰ্ণ পদক্ষেপ গ্ৰহণ কৰিছে। ইতিমধ্যে চিকিৎসালয়খনে চাৰিখন ৰাজ্যৰ বিভিন্ন স্থানত ১৭টাতকৈও অধিক বৰ্হিঃৰোগী বিভাগ (অ’পিডি) মুকলি কৰিছে। এই পদক্ষেপৰ অধীনত মহাৰাষ্ট্ৰৰ অমৰাৱতীকে ধৰি কেইবাখনো চহৰত এই সেৱা আৰম্ভ কৰা হৈছে। ইয়াৰ জৰিয়তে মহানগৰৰ বাহিৰত বিশেষজ্ঞ চিকিৎসা প্ৰদান আৰু উন্নত স্বাস্থ্যসেৱা সকলোৰে বাবে সুলভ কৰি তোলাৰ লক্ষ্যৰে আগবাঢ়িছে হাস্পতালখনে।
No comments:
Post a Comment