গুৱাহাটীস্থিত মডাৰ্ণ ইংলিছ স্কুলত দশম আন্তৰ্জাতিক যোগ দিৱস পালন - W7S News

Breaking News

test banner

Breaking

Home Top Ad

Responsive Ads Here

Post Top Ad

Responsive Ads Here

Saturday, 22 June 2024

গুৱাহাটীস্থিত মডাৰ্ণ ইংলিছ স্কুলত দশম আন্তৰ্জাতিক যোগ দিৱস পালন


 


W7s news,গুৱাহাটী, ২১ জুন, ২০২৪: গুৱাহাটীৰ কাহিলীপাৰাস্থিত মডাৰ্ণ ইংলিছ স্কুল (এম ই এছ)ৰ চৌহদত আজি দশম আন্তঃৰাষ্ট্ৰীয় যোগ দিৱস উদযাপন কৰা হয়। যুৱ মনবোৰে পৰম আগ্ৰহেৰে কৰা যোগাসনৰ দ্বাৰা সমগ্ৰ অনুষ্ঠানটো আনন্দ আৰু ইতিবাচক শক্তিৰে ভৰাই তোলে। 


এটি সুৰীয়া সমবেত সংগীতেৰে অনুষ্ঠানৰ আৰম্ভণি কৰা হয়। তাৰ পিছত অৰ্ণৱ কোঁৱৰ, দীপশিখা পুৰকায়স্থ, আৰু দিগংগনা মধুকুল্যই প্ৰেৰণাদায়ক ভাষণেৰে অনুষ্ঠানটো অধিক আকৰ্ষণীয় কৰি তোলে। বৃষ্টি প্ৰিয়া মজুমদাৰ আৰু আয়ুস হুছেইনে মনোগ্ৰাহী আবৃত্তিৰে সমূহ দৰ্শকক মোহিত কৰে। অধ্যক্ষ, উপাধ্যক্ষ, আৰু ছাত্ৰ-ছাত্ৰীসকলে শিক্ষাৰ্থীসকলৰ ৰঙীন শিল্পকৰ্ম আৰু প্ৰবন্ধৰে ভৰা এখন প্ৰদৰ্শনী ফলক উদ্বোধন কৰে। অনুষ্ঠানটোৰ মুখ্য আকৰ্ষণ আছিল আমাৰ যোগ প্ৰশিক্ষক চাইফুল ইছলামৰ নিৰ্দেশনাত শিক্ষাৰ্থীসকলৰ দ্বাৰা সুন্দৰভাৱে সম্পাদিত আকৰ্ষণীয় যোগ প্ৰদৰ্শন। যোগৰ সাৰমৰ্ম প্ৰদৰ্শনকাৰী এই অনুষ্ঠানত সামগ্ৰিক কল্যাণৰ উদ্দেশ্যে উদ্ভাসিত হৈ উঠা শিক্ষাৰ্থীসকলৰ সমৰ্পণৰ দ্বাৰা যোগৰ তত্ত্বৰ প্ৰতিও শ্ৰদ্ধা নিবেদন কৰা হয়। আমাৰ যোগ প্ৰশিক্ষক ছাইফুল ইছলামৰ নিৰ্দেশনাত এম ই এছৰ ছাত্ৰ-ছাত্ৰীসকলে সম্পূৰ্ণ নমনীয়তা আৰু মনোযোগেৰে যোগাসনৰ ভংগীমাসমূহ সুন্দৰভাৱে প্ৰদৰ্শন কৰে। ইতিবাচক চিন্তাৰে উজ্জ্বল পৰিৱেশটো হাঁহি আৰু সুখবোধেৰে ভৰি উঠিছিল। কাহিলীপাৰাৰ মডাৰ্ণ ইংলিছ স্কুলে ছাত্ৰ-ছাত্ৰীৰ শৈক্ষিক উৎকৰ্ষতাৰ প্ৰতি দায়বদ্ধতাৰ লগতে সামগ্ৰিক বিকাশৰ ওপৰতো সদায় বিশ্বাস কৰি আহিছে। ছাত্ৰ-ছাত্ৰীসকলৰ শাৰীৰিক বিকাশৰ বাবে বিদ্যালয়খনে শেহতীয়াকৈ বাস্কেটবল, বেডমিণ্টন, ক্ৰিকেট, ফুটবল, টাইকোৱাণ্ডো, দবা আৰু যোগশিক্ষাৰ কেন্দ্ৰ হিচাপে তেওঁলোকৰ এম ই এছ স্প’ৰ্টছ একাডেমী আৰম্ভ কৰিছে।

No comments:

Post a Comment

Post Bottom Ad

Responsive Ads Here