মুখ্য অতিথি হিচাপে ৰাজ্যপাল গুলাব চান্দ কাটাৰিয়া উপস্থিত থাকে
W7s news গুৱাহাটী: বিগত পাঁচ বছৰ ধৰি, ষ্টাৰ চিমেণ্টে ষ্টাৰ উষা টেইলৰিং স্কুলৰ অসাধাৰণ বহিৰ্গত প্ৰশিক্ষাৰ্থীসকলক বিনামূলীয়া চিলাই মেচিন বিতৰণ কৰি আহিছে, যাতে তেওঁলোকক তেওঁলোকৰ স্ব-নিয়োজনৰ যাত্ৰা আৰম্ভ কৰাত সহায় হয় আৰু তেওঁলোকক গ্ৰাহকৰ পৰা অৰ্ডাৰ লোৱা আৰম্ভ কৰিবলৈ সক্ষম কৰে। এই বছৰো ষ্টাৰ চিমেণ্টে গুৱাহাটীৰ নেডফি প্ৰেক্ষাগৃহ হলত অনুষ্ঠিত এক বৃহৎ কাৰ্যসূচীত বিদ্যালয়খনৰ অসাধাৰণ বহিৰ্গত প্ৰশিক্ষাৰ্থীসকলৰ মাজত ২০০টা চিলাই মেচিন বিতৰণ কৰে আৰু ইয়াৰ প্ৰভাৱশালী চিএছআৰ পদক্ষেপৰ জৰিয়তে স্থানীয় লোকসকলৰ হৃদয় জয় কৰে।আনুষ্ঠানিক বিতৰণ কাৰ্যসূচীত মুখ্য অতিথি হিচাপে অসমৰ ৰাজ্যপাল গুলাব চান্দ কাটাৰিয়া ডাঙৰীয়াই ৰাজ্যৰ অন্যান্য গুৰুত্বপূৰ্ণ বিষয়ববীয়াৰ লগতে উপস্থিত থাকি শোভা বঢ়ায়। এই কাৰ্যসূচীক নেতৃত্ব দিছিল ষ্টাৰ চিমেণ্টৰ অধ্যক্ষ সজ্জন ভজনকা আৰু ষ্টাৰ চিমেণ্টৰ মুখ্য সঞ্চালন বিষয়া প্ৰদীপ পুৰোহিতে।ষ্টাৰ উষা টেইলৰিং স্কুলখন, ষ্টাৰ চিমেণ্ট লিমিটেডে পাঁচ বছৰ আগতে সোনাপুৰৰ চমটা পথাৰত উষা ইণ্টাৰনেচনেল লিমিটেডৰ সহযোগত স্থাপন কৰিছিল, যাৰ উদ্দেশ্য আছিল শিশু, মহিলা আৰু পুৰুষৰ বাবে বিভিন্ন ধৰণৰ পোছাকৰ ডিজাইনিং, কাটিং আৰু চিলাই কৰাৰ ক্ষেত্ৰত স্থানীয় মহিলা আৰু যুৱতীসকলক বিনামূলীয়া প্ৰশিক্ষণ প্ৰদান কৰা, যি মূৰকত তেওঁলোকক আৰ্থিকভাৱে স্বতন্ত্ৰ হোৱাত সহায় কৰিব পাৰে। সামগ্ৰিক কাৰিকৰী দিহা আৰু পাঠ্যক্ৰম উষা ইণ্টাৰনেচনেল লিমিটেডৰ সহায়ত প্ৰস্তুত কৰা হৈছিল, আনহাতে প্ৰশিক্ষণ কেন্দ্ৰ স্থাপনৰ ব্যয়, কাৰ্যকৰী ব্যয়, প্ৰমাণপত্ৰ প্ৰদান আদি ব্যয়সমূহ ষ্টাৰ চিমেণ্টে তেওঁলোকৰ চিএছআৰ পদক্ষেপৰ অংশ হিচাপে বহন কৰিছিল। তেতিয়াৰ পৰাই বিদ্যালয়খনৰ জনপ্ৰিয়তা দ্ৰুতগতিত বৃদ্ধি পাইছে। আজি পৰ্যন্ত, প্ৰায় ১০০০ গৰাকী মহিলা আৰু যুৱতীয়ে এই কেন্দ্ৰৰ পৰা বিনামূলীয়া প্ৰশিক্ষণ লাভ কৰিছে। এই প্ৰশিক্ষণ পাঠ্যক্ৰমৰ বাবে নামভৰ্তি কৰিবলৈ কেইবাগৰাকীও মহিলা আৰু ছোৱালীৰ দূৰৱৰ্তী স্থানৰ পৰা আগমন অব্যাহত আছে।২০২৩ চনৰ১৮ ছেপ্টেম্বৰৰ অনুষ্ঠানটো ষ্টাৰ চিমেণ্টৰ দ্বাৰা আন এটা চিএছআৰ কাৰ্যকলাপৰ বাবেও আচুতীয়া হিচাপে নিৰ্ধাৰণ কৰা হৈছিল। উক্ত অনুষ্ঠানতে ষ্টাৰ চিমেণ্ট লিমিটেডে ১৫ খন চুবুৰীয়া বিদ্যালয়ৰ বাবে কেইবাটাও অত্যাৱশ্যকীয় বিদ্যালয়ৰ আন্তঃগাঁথনিমূলক সামগ্ৰী বিতৰণ কৰাৰ কথা ঘোষণা কৰে যিবোৰ সোনাপুৰ সাহিত্য সভাৰ দিহা অনুসৰি তালিকাভুক্ত কৰা হৈছিল। ষ্টাৰ চিমেণ্টে এই বিদ্যালয়সমূহলৈ কেইবাটাও অত্যাৱশ্যকীয় সামগ্ৰী বিতৰণ কৰিব য'ত অন্তৰ্ভুক্ত থাকিব ৯০ যোৰ ডেস্ক, ২২ যোৰ টেবুল আৰু চকী, ৬৫ খন চিলিং ফেন, ২০ খন ব্লেকব'ৰ্ড, ১৫ খন প্লাষ্টিক চকী আৰু ৮ ফুট বাই ৫ ফুট পৰিসৰৰ ৩ খনকৈ কোঠা বিভাজক। অনুষ্ঠানটোত ষ্টাৰ চিমেণ্টে শেহতীয়াকৈ অনুষ্ঠিত হোৱা গুনোৎসৱ, অসম ২০২৩ত তেওঁলোকৰ উৎকৃষ্ট শৈক্ষিক প্ৰদৰ্শনৰ বাবে সোনাপুৰ আৰু চমটা অঞ্চলৰ ১৪ খন স্থানীয় বিদ্যালয়কো সম্বৰ্ধিত কৰে। এই বিদ্যালয়সমূহক তেওঁলোকৰ উৎকৃষ্ট শৈক্ষিক প্ৰদৰ্শনৰ বাবে 'এ+ গ্ৰেড' হিচাপে মূল্যাংকন কৰা হৈছে। ষ্টাৰ চিমেণ্ট লিমিটেডে ১৪ খন বিদ্যালয়ৰ কৃতিত্বতাক প্ৰশংসা কৰাৰ লগতে নিৰ্বাচিত ১৪ খন বিদ্যালয়ৰ ৭০জন মেধাৱী শিক্ষাৰ্থীক আৰ্থিক সাহায্য প্ৰদানৰ দ্বাৰা প্ৰশংসিত কৰে। এই নিৰ্বাচন সোনাপুৰ সাহিত্য সভাৰ দিহাৰ দ্বাৰা হৈছিল, যি হৈছে সোনাপুৰ অঞ্চলৰ এক সন্মানীয় সাহিত্যিক মঞ্চ।অসমৰ ৰাজ্যপালক এই বিদ্যালয় আৰু শিক্ষাৰ্থীসকলক সম্বৰ্ধনা জনোৱাৰ বাবে মঞ্চত আমন্ত্ৰণ জনোৱা হৈছিল । ষ্টাৰ উষা টেইলৰিং স্কুলৰ প্ৰশিক্ষাৰ্থীসমূহ, শিক্ষকবৃন্দ, শিক্ষাৰ্থীসকল, বিদ্যালয় পৰিচালনা সমিতিৰ সদস্যসকল, সোনাপুৰ সাহিত্য সভাৰ সদস্যসকলৰ লগতে সোনাপুৰৰ স্থানীয় ৰাইজে অতি উৎসাহেৰে এই কাৰ্যসূচীত অংশগ্ৰহণ কৰে।
No comments:
Post a Comment