W7s news গুৱাহাটী : অগ্ৰণী স্বেচ্ছাসেৱী সংগঠন "অক্ষয় পাত্ৰ ফাউণ্ডেশ্যনে" সমাজত কোনো লোকে যাতে ক্ষুধাতুৰ হৈ থাকিবলগীয়া নহয় তাৰ বাবে দুখীয়া লোকসকলৰ মাজত সময়ে সময়ে খাদ্য সামগ্ৰী বিতৰণ কৰি আহিছে । আনহাতে পশ্চিম গুৱাহাটী বিধানসভা সমষ্টিৰ বিধায়ক ৰমেন্দ্ৰ নাৰায়ণ কলিতাৰ বিশেষ তৎপৰতাত আজি ফাউণ্ডেশ্যনৰ উদ্যোগত পশ্চিম গুৱাহাটীৰ খানামুখ খেল পথাৰত বৃহত্তৰ খানামুখৰ উপৰিও দাঁতি কাষৰীয়া ধাৰাপুৰ , গাড়ীগাঁও অঞ্চলৰ দুই শতাধিক দুখীয়া পৰিয়ালক চাউল , দাইল , নিমখ , মিঠাতেল , আলুকে ধৰি মুঠ ১১ বিধ খাদ্য সামগ্ৰী বিতৰণ কৰা হয় । আনহাতে খানামুখ শ্ৰী শ্ৰীলক্ষ্মী পূজা সমিতিৰ সহযোগত অনুষ্ঠিত বিতৰণ কাৰ্যসূচীত পৰিয়াল সমূহৰ মূৰব্বী মহিলা সকলক খাদ্য সামগ্ৰীৰ টোপোলা সমূহ প্ৰদান কৰা হয় । আনহাতে বিতৰণ কাৰ্যসূচীত অক্ষয় পাত্ৰ ফাউণ্ডেশ্যনৰ বিষয়াদ্বয় ক্ৰমে নুৰুল চৌধুৰী আৰু প্ৰবীৰ দে , লক্ষ্মী পূজা সমিতিৰ সভাপতি সত্য ভৰালী , কাৰ্যকৰী সভাপতি কেশৱ কলিতা , উপ সভাপতিদ্বয় কনক চন্দ্ৰ বৈশ্য আৰু অনিল বৈশ্য , সাধাৰণ সম্পাদক ৰুবুল বৈশ্য , সহকাৰী সম্পাদক ধৃতিমান দাস , ধাৰাপুৰ গাঁও পঞ্চায়তৰ সদস্য প্ৰদীপ দাস , অগপ নেতা ক্ৰমে - সুভাষ শৰ্মা , পৰেশ বৰুৱা আৰু প্ৰণৱ দাস , খানামুখ ৰাজহুৱা নামঘৰ পৰিচালনা সমিতিৰ সভাপতি যাদৱ চন্দ্ৰ কলিতা , সমাজকর্মী অৰূপজ্যোতি বেজকে ধৰি কেবাজনো বিশিষ্ট লোক উপস্থিত থাকে ।
No comments:
Post a Comment