W7s news ষ্টাফৰিপোৰ্টাৰ : টপচেম চিমেণ্ট আৰু গুৱাহাটী স্কুটাৰ মটৰচাইকেল গেৰেজ মালিক সন্থাই গুৱাহাটীত মঙলবাৰে দিনজোৰা কাৰ্যসূচীৰে আৰম্ভ কৰে "পুৰণা শ্ৰী শ্ৰী বিশ্বকৰ্মা প্ৰতিমা বিসৰ্জন অভিযান -২০২২"। মঙলবাৰে "অল্ড শ্ৰী শ্ৰী বিশ্বকৰ্মা প্ৰতিমা বিসৰ্জন অভিযান -২০২২"ৰ শুভাৰম্ভৰ ফ্লেগ অফ কৰে সভাৰ পূৱ গুৱাহাটীৰ সমষ্টিৰ বিধায়ক সিদ্ধাৰ্থ ভট্টাচাৰ্যই আৰু তেওঁৰ সৈতে উপস্থিত থাকে মেঘালয় চিমেণ্টছ লিমিটেডৰ বিক্ৰী আৰু বিপণনৰ অধ্যক্ষ ডঃ অনিল কাপুৰ, গুৱাহাটী স্কুটাৰ মটৰচাইকেল গেৰেজ মালিক সন্থাৰ সভাপতি গৌতম পাঠকৰ লগতে মেঘালয় চিমেণ্টছ লিমিটেডৰ বিষয়ববীয়া আৰু গুৱাহাটী স্কুটাৰ মটৰচাইকেল গেৰেজ মালিক সন্থাৰ সদস্যসকল। টপচেম চিমেণ্ট আৰু গুৱাহাটী স্কুটাৰ মটৰচাইকেল গেৰেজ মালিক সন্থা (GSMGOA)ৰ এই যুটীয়া উদ্যোগ ২০১৪ চনত আৰম্ভ হৈছিল আৰু তেতিয়াৰ পৰাই এই অভিযান অব্যাহত আছে। ক'ভিড -১৯ মহামাৰীৰ বাবে ২০২০ আৰু ২০২১ বৰ্ষত কাৰ্যকলাপটো সম্পন্ন কৰিব পৰা নাছিল।অনুষ্ঠানটোৰ ফ্লেগিং কৰি সিদ্ধাৰ্থ ভট্টাচাৰ্যই কয়: "এই পদক্ষেপৰ বাবে মই টপচেম চিমেণ্ট আৰু গুৱাহাটী স্কুটাৰ মটৰচাইকেল গেৰেজ মালিক সন্থাক ধন্যবাদ জনাইছো আৰু মই আশা কৰো যে অনুষ্ঠানটো সজাগতা বৃদ্ধিত সফল হ'ব। মই আশা কৰোঁ যে এই ধৰণৰ কাৰ্যকলাপ অদূৰ ভৱিষ্যতেও চলি থাকিব।"মেঘালয় চিমেণ্টছ লিমিটেডৰ অধ্যক্ষ ড০ অনিল কাপুৰে কয়; "টপচেম চিমেণ্টে সমাজৰ বাবে তেওঁলোকৰ দায়িত্বৰ প্ৰতি সদায় প্ৰতিশ্ৰুতিবদ্ধ আৰু এই কাৰ্যসূচীটো হৈছে টপচেম চিমেণ্টে ২০১৪ চনৰ পৰা কৰি থকা পৰিষ্কাৰ পৰিচ্ছন্নতা অভিযানৰ এটা অংশ।"
টপচেম চিমেণ্ট আৰু গুৱাহাটী স্কুটাৰ মটৰচাইকেল গেৰেজ মালিক সন্থাই আজি বিভিন্ন স্থানত অনাদৃত হৈ পৰি ৰোৱা ভগৱান বিশ্বকৰ্মাৰ মূৰ্তিবোৰ সংগ্ৰহ আৰু একত্ৰিত কৰিবলৈ এই অভিযান মুকলি কৰে। পূজাপেণ্ডেলসমূহক ইয়াৰ বাবে আগবাঢ়ি আহিবলৈ কোৱা হৈছে, যিসকলে এই অভিযানক সমৰ্থন কৰে। এটা সাধাৰণ কথাত পৰিণত হৈছে ৰাস্তাৰ কাষ আৰু ৰাস্তাৰ কোণত উপাসকসকলৰ মাজত আগৰ আৰু চলিত বছৰবোৰৰ মূৰ্তিবোৰ এৰি যোৱা অভ্যাসটো।
টপচেম চিমেণ্টক তেওঁলোকৰ সৈতে সম্পৰ্ক বজাই ৰখাৰ বাবে ধন্যবাদ জনাই গৌতম পাঠকে কয়; "আমাৰ সৈতে তেওঁলোকৰ সম্পৰ্কৰ বাবে আমি টপচেম চিমেণ্টৰ ওচৰত কৃতজ্ঞ আৰু ইয়াৰ বাবে অপেক্ষা কৰি আছো অদূৰ ভৱিষ্যতেও এই সম্পৰ্ক অব্যাহত থকাটো।"
No comments:
Post a Comment