অসমত বিদ্যালয় শিক্ষা নিয়ন্ত্ৰণ আৰু এনইপি ২০২০ ৰ সম্পৰ্কত অল প্ৰাইভেট স্কুল এছ'চিয়েশ্যনৰ বাৰ্ষিক সন্মিলন আয়োজন
W7s news,গুৱাহাটী,: অল আছাম প্ৰাইভেট স্কুল এছ'চিয়েশ্যনে অসমত বিদ্যালয় শিক্ষা নিয়ন্ত্ৰণ আৰু এনইপি ২০২০ সম্পৰ্কত ভিভাণ্টা তাজত বাৰ্ষিক সন্মিলন ২০২২ আয়োজন কৰে।সন্মিলনখনে বিদ্যালয় শিক্ষাৰ নিয়ন্ত্ৰণমূলক কাঠামোৰ পৰিৱৰ্তনৰ বাবে এনইপি ২০২০ ৰ পৰামৰ্শৰ বিষয়ে শিক্ষাৰ সৈতে জড়িত লোকসকলক জ্ঞাত কৰাৰ লগতে বৰ্তমানৰ সময়ত অসমত শিক্ষাৰ সৈতে জড়িত লোকসকলে বিদ্যালয় শিক্ষাৰ ক্ষেত্ৰত সন্মুখীন হোৱা সুযোগ আৰু প্ৰত্যাহ্বানবোৰ আলোচনা কৰিবলৈ তথা এনইপি ২০২০ৰ পৰামৰ্শ ৰূপায়ণত মুখ্য অংশীদাৰসকলৰ সৈতে জড়িত হোৱাৰ বাবে এখন মঞ্চ প্ৰদান কৰে।সন্মিলনত আপছাৰ সভাপতি শ্ৰী শৈলেশ শৰ্মাই কয়,"অল আছাম প্ৰাইভেট স্কুল এছ'চিয়েশ্যনে সকলো বিদ্যালয়ৰ স্বাৰ্থ সুৰক্ষিত কৰে।এক সংগঠন হিচাপে, আমি অসমৰ বিদ্যালয় শিক্ষাৰ সৈতে জড়িত সকলো মুখ্য অংশীদাৰৰ বাবে লাভজনক নীতি প্ৰস্তুত কৰিবলৈ চৰকাৰী প্ৰতিষ্ঠানবোৰৰ সৈতে সহযোগিতা কৰিবলৈ চেষ্টা কৰোঁ।শিক্ষাৰ্থীসকলৰ শিক্ষা আৰু বিকাশত ব্যক্তিগত বিদ্যালয়বোৰে এক গুৰুত্বপূৰ্ণ ভূমিকা পালন কৰে বুলি আমি বিশ্বাস কৰোঁ। ব্যক্তিগত বিদ্যালয়বোৰক বিশ্বাসেৰে তেওঁলোকৰ স্বাৰ্থ সুৰক্ষিত কৰি শক্তিশালী কৰাটোৱেই এই নিয়ন্ত্ৰণৰ লক্ষ্য হ'ব লাগিব, কিয়নো ব্যক্তিগত বিদ্যালয়বোৰ শিক্ষা উদ্যোগৰ প্ৰগতিৰ এক মুখ্য অংশীদাৰ। সন্মিলনখনে বিভিন্ন প্ৰত্যাহ্বান চিনাক্ত কৰি অসমৰ স্কুলীয়া শিক্ষা খণ্ডৰ সামগ্ৰিক বিকাশৰ বাবে কৌশলপূৰ্ণ পৰামৰ্শ প্ৰদান কৰে।" আপছাৰ উপদেষ্টা আৰু গুৱাহাটীৰ কাহিলীপাৰাস্থিত মডাৰ্ণ ইংলিছ স্কুলৰ সঞ্চালক শ্ৰীপংকজ দাসে কয়,"বিদ্যালয়ৰ উন্নতিৰ ক্ষেত্ৰত মূল চাবিকাঠি হ'ল বিদ্যালয়ৰ মুৰব্বী আৰু শিক্ষকসকলক শক্তিশালী কৰা। এনইপি ২০২০ ৰূপায়ণ পৰিকল্পনাই (SARTHAQ) কামবোৰ আৰম্ভ কৰিছে আৰু আমি আশা কৰোঁ যে ৰাজ্যিক বিদ্যালয় মানক কৰ্তৃপক্ষ (এছ এছ এছ এ)ৰ নিয়মাৱলীৰ ফলত সকলো ৰাজহুৱা, ব্যক্তিগত, আৰু দাতব্য বিদ্যালয়ৰ ফলপ্ৰসূ আত্মনিয়ন্ত্ৰণ বা স্বীকৃতি লাভ সম্ভৱপৰ হ’ব।" সন্মিলনখনত নেচনেল ইণ্ডিপেণ্ডেণ্ট স্কুল আৰু এলায়েন্সৰ সভাপতি শ্ৰীযুত কুলভূষণ শৰ্মাই ভাষণ প্ৰদান কৰে। এনইপি ২০২০ৰ অধীনত অসমত বিদ্যালয় শিক্ষাৰ নিয়ন্ত্ৰণমূলক পৰিকাঠামো, বিদ্যালয় শিক্ষা নিয়ন্ত্ৰণ আৰু মান নিৰ্ধাৰণ আৰু ৰূপায়ণৰ ওপৰত আলোচনা কৰিবলৈ “প্ৰত্যাহ্বান আৰু সুযোগ” শীৰ্ষক ত্ৰিমণ্ডলীয় আলোচনাৰ আয়োজন কৰা হয়। অসম মাধ্যমিক শিক্ষা পৰিষদ(ছেবা)ৰ অধ্যক্ষ শ্ৰী আৰ চি জৈন, গুৱাহাটীৰ এছচিইআৰটি প্ৰশাসনিক ষ্টাফ কলেজৰ সঞ্চালিকা ড০ নিৰদা দেৱী, সমগ্ৰ শিক্ষা অসমৰ ৰাজ্যিক পৰামৰ্শদাতা(পি এণ্ড কিউআই) শ্ৰীমতী জাহ্নৱী শৰ্মা, কৰ্ণাটক ব্যক্তিগত বিদ্যালয় ব্যৱস্থাপনা শিক্ষক-অশিক্ষক কৰ্মচাৰী সমন্বয় সমিতিৰ আহ্বায়ক, কেপিএমটিচিচি, শ্ৰী ডি শশী কুমাৰ, আপছাৰ সভাপতি, তিনিচুকীয়াস্থিত আৱাৰ এবিচি একাডেমীৰ সঞ্চালক শ্ৰীযুত শৈলেশ শৰ্মা, চেণ্ট্ৰেল স্কোৱাৰ ফাউণ্ডেশ্যনৰ জ্যেষ্ঠ পৰামৰ্শদাতা ড০ অমিত চন্দ্ৰ, চেণ্টাৰ ফৰ চিভিল ছ’চাইটিৰ গৱেষণা আৰু প্ৰশিক্ষণ কাৰ্যসূচীৰ জ্যেষ্ঠ ফেলো ড০ প্ৰশান্ত নাৰাঙৰ দৰে শিক্ষা উদ্যোগৰ অগ্ৰণী ব্যক্তিসকলে অনুষ্ঠানটোত মুখ্য বক্তা হিচাপে অংশগ্ৰহণ কৰে আৰু গুৱাহাটীৰ কাহিলীপাৰাস্থিত মডাৰ্ণ ইংলিছ স্কুলৰ উপদেষ্টা তথা সঞ্চালক শ্ৰী পংকজ দাসে পেনেল আলোচনাৰ পৰিচালনা কৰে।সন্মিলনৰ মুখ্য বিষয়বস্তু আছিল অসমৰ বৰ্তমানৰ বিদ্যালয় শিক্ষা অৱস্থাৰ প্ৰসংগভিত্তিক বাস্তৱিকতা আৰু শিক্ষাখণ্ডত ব্যক্তিগত বিদ্যালয়ৰ ভূমিকাক আগত ৰাখি এনইপি ২০২০য়ে প্ৰৱৰ্তন কৰিবলগীয়া পৰিৱৰ্তনৰ বাবে দিয়া পৰামৰ্শসমূহ।
No comments:
Post a Comment