চেমচাং-য়ে গুৱাহাটীৰ যুৱক-যুৱতীসকলক চলভ্ ফৰ টুম’ৰ’ উদ্ভাৱন প্ৰতিযোগিতাত অংশগ্ৰহণৰ বাবে আমন্ত্ৰণ জনাইছে

 

 চহৰৰ যুৱপ্ৰজন্মই খাদ্য সংৰক্ষণ, পৰিৱেশ-সম্বন্ধীয় দুৰ্যোগ ব্যৱস্থাপনা, দৰিদ্ৰ লোকৰ বাবে ৰাজহুৱা পৰিবহণ আৰু ছাত্ৰ-ছাত্ৰীসকলৰ মাজৰ মানসিক স্বাস্থ্যৰ

সমস্যাসমূহৰ সমাধান কৰিব বিচাৰে

W7s news গুৱাহাটী : গুৱাহাটীত চেমচাং ইণ্ডিয়াই আয়োজন কৰা এক শিক্ষা আৰু উদ্ভাৱন ৰোডশ্ব’ত ৰাজ্য তথা দেশত জনসাধাৰণ আৰু সমাজে সন্মুখীন হোৱা সমস্যাসমূহ চিনাক্ত কৰি ভৱিষ্যতৰ বাবে সমাধান কৰাৰ প্ৰতিশ্ৰুতি প্ৰদান কৰিবলৈ যুৱ মহাবিদ্যালয়ৰ ছাত্ৰ-ছাত্ৰীসকলে আগবাঢ়ি আহিছিল।গুৱাহাটীৰ ছাত্ৰ-ছাত্ৰীসকলে কয় যে তেওঁলোকে খাদ্য সংৰক্ষণ, পৰিৱেশ সম্পৰ্কীয় দুৰ্যোগ ব্যৱস্থাপনা, দৰিদ্ৰ লোকৰ বাবে ৰাজহুৱা পৰিবহণ আৰু ছাত্ৰ-ছাত্ৰীসকলৰ মানসিক স্বাস্থ্য আদি বাস্তৱ জগতৰ সমস্যাসমূহৰ সমাধান কৰিব বিচাৰে। তেওঁলোকে কয় যে তেওঁলোকক চেমচাঙৰ চলভ্ ফৰ টুম’ৰ’ শিক্ষা আৰু উদ্ভাৱন প্ৰতিযোগিতাৰ দৰে এটা প্লেটফৰ্মৰ প্ৰয়োজন যিয়ে তেওঁলোকৰ ধাৰণাক কাৰ্য্যলৈ ৰূপান্তৰিত কৰাত পথ প্ৰদৰ্শন আৰু সমৰ্থন কৰিব পাৰে আৰু মানুহৰ জীৱনক ৰূপান্তৰিত কৰাত সহায় কৰিব পাৰে।চেমচাঙৰ গোলকীয় চিএছআৰ কাৰ্যসূচী চলভ্ ফৰ টুম’ৰ’-ৰ উদ্বোধনী সংস্কৰণত শিক্ষা, পৰিৱেশ, স্বাস্থ্যসেৱা আৰু কৃষিৰ ক্ষেত্ৰসমূহত ভাৰতৰ ১৬-২২ বছৰ বয়সীয়া যুৱক-যুৱতীসকলৰ পৰা আবেদন বিচৰা হৈছে।যুৱক-যুৱতীসকলে ২০২২ বৰ্ষৰ ৩১ জুলাইৰ সন্ধিয়া ৫.০০ বজালৈকে অনুষ্ঠানত অংশগ্ৰহণ কৰিবলৈ নিজৰ ধাৰণাসমূহ প্ৰেৰণ কৰিব পাৰিব।চলভ্ ফৰ টুম’ৰ’-ৰ বিষয়ে আলোচনা কৰিবলৈ আয়োজন কৰা এই অনুষ্ঠানত ভাগ লৈছিল গুৱাহাটীৰ যুৱ আৰু প্ৰতিভাৱান ছাত্ৰ-ছাত্ৰীসকলৰ লগতে সংক্ৰামক আৰু অসংক্ৰামক ৰোগসমূহৰ বাবে সুলভ মূল্যৰ পেপটাইড ভিত্তিক চিকিৎসা সমাধানৰ ক্ষেত্ৰত কাম কৰি থকা পেপথেৰা লেবৰেটৰীজৰ প্ৰতিষ্ঠাপক চহৰৰ যুৱ উদ্ভাৱক গৌৰৱ জেৰাথে। বৰ্তমান এটা সফল সামাজিক উদ্যোগ চলোৱা উদ্ভাৱকগৰাকীয়ে তেওঁৰ সফলতা আৰু বিফলতাৰ অভিজ্ঞতা আৰু তেওঁৰ চৌপাশৰ সম্প্ৰদায়সমূহক ৰূপান্তৰিত কৰাৰ দৃষ্টিভংগীৰ বিষয়ে ছাত্ৰ-ছাত্ৰীসকলৰ সৈতে কথা পাতে।চলভ্ ফৰ টুম’ৰ’-ৰ উদ্বোধনী সংস্কৰণত শিক্ষা, পৰিৱেশ, স্বাস্থ্যসেৱা আৰু কৃষি ক্ষেত্ৰত ভাৰতৰ ১৬-২২ বছৰ বয়সৰ যুৱক-যুৱতীসকলৰ পৰা আবেদন আহ্বান কৰা হৈছে। যুৱক-যুৱতীসকলে ২০২২ বৰ্ষৰ ৩১ জুলাইৰ সন্ধিয়া ৫.০০ বজালৈকে অনুষ্ঠানত অংশগ্ৰহণ কৰিবলৈ তেওঁলোকৰ ধাৰণাসমূহ প্ৰেৰণ কৰিব পাৰিব।

আবেদনৰ ৱেবচাইট: http://www.samsung.com/in/solvefortomorrow বৰ্তমানলৈকে, সমগ্ৰ দেশৰ পৰা ৮ হাজাৰৰো অধিক দলসমূহে এই উদ্ভাৱন প্ৰতিযোগিতাত পঞ্জীয়ন কৰিছে য’ত তিনিটা ৰাষ্ট্ৰীয় বিজয়ীয়ে ১ কোটি টকা পৰ্যন্ত মেগা সমৰ্থন আৰু আইআইটি দিল্লীৰ বিশেষজ্ঞৰ সমৰ্থনৰ অধিনত নিজৰ ধাৰণাক পৰৱৰ্তী পৰ্যায়লৈ লৈ যাবলৈ ছমাহৰ বাবে মেণ্টৰিং সহায় লাভ কৰিব।