W7s News ষ্টাফৰিপোৰ্টাৰ :৫০ শতাংশ ভাৰা বৃদ্ধিৰে পহিলা ছেপ্টেম্বৰৰ পৰা বাছ সেৱা আৰম্ভ হোৱাৰ সম্ভাৱনা আছে৷ এই বাছ ভাৰা বৃদ্ধিৰ পোষকতা কৰিছে মটৰ পৰিবহণ সন্থাই৷ বেচৰকাৰী বাছসমূহৰ ভাৰা যদিহে চৰকাৰে ৭০ শতাংশ বৃদ্ধি নকৰে তেন্তে সন্থাই নিজাববীয়াকৈ ৫০ শতাংশ ভাৰা বৃদ্ধিৰে বাছ সেৱা আৰম্ভ কৰিব৷ দেওবাৰে তেজপুৰত সদৌ অসম মটৰ পৰিবহণ সন্থাই এই সিদ্ধান্ত ঘোষণা কৰাৰ লগতে এলানি দাবীও উত্থাপন কৰে৷ লকডাউন সদৃশ পৰিস্থিতিত ৰাজ্যত বাছ সেৱা বিগত প্রায় ৪ মাহ বন্ধ হৈ থকাত ব্যাপক লোকচানৰ সন্মুখীন হোৱাৰ দোহাই দি মটৰ পৰিবহণ সন্থাই এই কথা সদৰী কৰিছে৷ গাড়ীসমূহৰ বীমাৰ ম্যাদ এবছৰলৈ বৃদ্ধি আৰু ৰ’ড টেক্সৰ পৰা বাছ মালিকসকলক ৰেহাই দিবলৈ সন্থাই দাবী উত্থাপন কৰিছে৷বাছ ভাৰা বৃদ্ধিৰ প্রস্তাৱে তুমুল প্রতিক্রিয়াৰ সৃষ্টি কৰিছে৷পৰিবহণ বিভাগে এই ক্ষেত্রত কি ভূমিকা লয় লক্ষণীয় হ’ব৷
No comments:
Post a Comment